ლენტეხის მუნიციპალიტეტის მერმა გია ონიანმა, მერის მოადგილე ბერია ჩანქსელიანმა, საკრებულოს თავმჯდომარე გიორგი გაზდელიანმა, ადგილობრივი ხელისუფლების, კერძო სექტორისა და ტურიზმის წარმომადგენლებმა კავკასიის საკონსულტაციო ჯგუფთან სამუშაო შეხვედრა გამართეს.

ლენტეხის მუნიციპალიტეტის მერიის ინფორმაციით, პროექტის გუნდმა სვანეთის ტურისტული განვითარების სტრატეგიისა და სამოქმედო გეგმის პირველი ნაწილი წარადგინა, რომელიც სიტუაციის მოკვლევასა და ანალიზს ეხებოდა.

ინიციატივა მხარდაჭერილია ევროკავშირის, შვედეთის და ავსტრიის მიერ პროექტ GRETA-ს ფარგლებში | მწვანე ეკონომიკა: მდგრადი სამთო ტურიზმი და ორგანული სოფლის მეურნეობა.