ბორჯომში საბავშვო ბიბლიოთეკის შენობის სარეაბილიტაციო სამუშაოები მიმდინარეობს
ბორჯომის საბავშვო ბიბლიოთეკის შენობის სარეაბილიტაციო სამუშაოები ინტენსიურ რეჟიმში მომდინარეობს. ამის შესახებ ინფორმაციას ბორჯომის მუნიციპალიტეტის მერია ავრცელებს.
მათი ცნობით, სამუშაოების ფარგლებში, სრულად განახლდება შენობის ფასადი, შეიცვალა საკომუნიკაციო სისტემა, კარ-ფანჯარა, მოეწყო სახანძრო სიგნალიზაცია, შენობა გადაიხურა ახალი სახურავით. ასევე, ოთახებს ჩაუტარდა სარემონტო სამუშაოები.
„ბორჯომში კიდევ ერთი მნიშვნელოვანი პროექტი - ბიბლიოთეკის რეაბილიტაცია მიმდინარეობს. ეს იყო უკვე მოძველებული სივრცე, ამიტომ, მასში სრულად შეიცვალა საკომუნიკაციო სისტემები, ხოლო ძველი კაბინეტური ტიპის ოთახების ხარჯზე მოეწყო თანამედროვე, ღია სამკითხველო დარბაზი, რომელიც აღიჭურვება თანამედროვე სტანდარტების შესაბამისად სადაც ასევე, განთავსებულია საბავშვო ლიტერატურის კუთხე“, - განაცხადა ბორჯომის მუნიციპალიტეტის მერის მოადგილემ, გიორგი ტაბატაძემ.
ბორჯომის მუნიციპალიტეტის მერიის ცნობით, საბავშვო ბიბლიოთეკის შენობის სარეაბილიტაციო სამუშაოები ადგილობრივი ბიუჯეტიდან ფინანსდება.
v-if="article.gallery" v-html="article.gallery"
