ოდესაში, რუსული ძალების მიერ განხორციელებული სარაკეტო თავდასხმის შედეგად, ერთი ადამიანი დაიღუპა, ორი კი დაშავდა, - ინფორმაციას უკრაინული მედია სამხრეთის თავდაცვის ძალების ერთობლივი საკოორდინაციო პრესცენტრის ხელმძღვანელზე, ნატალია გუმენიუკზე დაყრდნობით ავრცელებს.
მათივე ინფორმაციით, დაღუპული და დაშავებულები სამრეწველო საწარმოს თანამშრომლები არიან.
„საღამოს ჩვენს პასუხისმგებლობის ზონაში, ოდესაზე ძლიერი სარაკეტო თავდასხმა დაფიქსირდა. ჯერ კიდევ ვაჯამებთ შედეგებს, რაკეტების უმეტესობა თავდაცვის ძალებმა ჩამოაგდეს, მაგრამ, სამწუხაროდ, იყო დარტყმებიც“, - აღნიშნა გუმენიუკმა.
მისი თქმით, რუსებმა სამრეწველო ობიექტს დაარტყეს, რის შედეგადაც ერთი ადამიანი დაიღუპა და ორი დაშავდა.
