ქუთაისში ახალი რეკრეაციული სივრცე მოეწყო

ქუთაისში, მუხნარის ადმინისტრაციულ ერთეულში, ახალი სარეკრეაციო სივრცე გაიხსნა.

როგორც ქუთაისის მერიის მიერ გავრცელებულ ინფორმაციაშია ნათქვამი, სკვერში მოეწყო საფეხმავლო ბილიკები და საბავშვო ატრაქციონები, დამონტაჟდა ახალი საპარკო სკამები, განთავსდა ფანჩატურები.

მათივე ცნობით, უსაფრთხოების მიზნით, სკვერი შემოისაზღვრა დეკორატიული ღობით. გაკეთდა ლაბირინთი, იაპონური კვიდოს ჯიშის ბუჩქებით. სკვერი განათებული იქნება დეკორატიული ლამპიონებით. პროექტი 900 ათასამდე ლარი დაჯდა და რეგიონებში განსახორციელებელი პროექტების ფონდმა (რგპფ) დააფინანსა. სკვერი, ადგილობრივ მცხოვრებლებთან და თვითმმართველობის წარმომადგენლებთან ერთად, ქუთაისის მერმა იოსებ ხახალეიშვილმა გახსნა.

„მუხრანის ადმინისტრაციულ ერთეულში, საკმაოდ ვრცელ ფართობზე, რამდენიმე თვის წინ დავიწყეთ სკვერის მოწყობის სამუშაოები და დღეს, ჩვენს მოსახლეობასთან ერთად გავხსენით ახალი სკვერი.

ახალი სარეკრეაციო სივრცე ყველა ასაკის და ინტერესის ადამიანზეა მორგებული. აქ გვაქვს როგორც საბავშვო ატრაქციონები, ასევე ფანჩატურები, დასასვენებელი და გასართობი ადგილები. ამ დასახლებაში ეს პირველი ამ ტიპის და მასშტაბის სკვერია და ვფიქრობ, საუკეთესო საჩუქარია აქ მცხოვრები ადამიანებისთვის“, - განაცხადა იოსებ ხახალეიშვილმა.

სკვერში შეკრებილი ბავშვებისთვის, რესტორნების ქსელის „მაკდონალდსის“, „ნიღბების თეატრის“ და სამხატვრო სკოლის მხარდაჭერით, შემეცნებით-გასართობი აქტივობები გაიმართა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო