სალომე სამადაშვილი - ახლა უკვე სანქცირებულ ავიახაზებსაც აძლევენ ფრენის ნებართვას - ხელისუფლება ქმნის საფრთხეს, რომ საქართველო სანქციების ქვეშ აღმოჩნდეს და კანდიდატის სტატუსის მიღება კრახით დასრულდეს

ახლა უკვე სანქცირებულ ავიახაზებსაც აძლევენ ფრენის ნებართვას - ხელისუფლება ქმნის საფრთხეს, რომ საქართველო სანქციების ქვეშ აღმოჩნდეს და კრახით დასრულდეს მცდელობა, რომ კანდიდატის სტატუსი მივიღოთ,- ამის შესახებ „ლელოს" დეპუტატმა სალომე სამადაშვილმა ჟურნალისტებთან განაცხადა, რითაც გამოეხმაურა კიდევ ერთი კომპანიისთვის, Red Wings-ისთვის ფრენის ნებართვის მიცემას, რომელიც, არსებული ინფორმაციით, უკრაინის მიერ არის სანქცირებული.

სამადაშვილის თქმით, გარდა იმისა, რომ ეს არამეგობრული ჟესტია უკრაინის მიმართ, ასევე ამ გადაწყვეტილებებით ხელისუფლება სულ უფრო შორდება ევროკავშირის პოლიტიკას.

„ვფიქრობ, საქართველოს დღევანდელ ხელისუფლებას, ამ საოკუპაციო რეჟიმს, მტკიცედ აქვს გადაწყვეტილი, რომ ყველაფერი გააკეთოს, რათა კანდიდატის სტატუსი ვერ მივიღოთ. ყოველდღე კიდევ უფრო შორს მიდიან ევროკავშირის პოლიტიკიდან. ჯერ ამბობდნენ, რომ სანქცირებული ავიახაზები არ იფრენდნენ, ახლა უკვე სანქცირებულ ხაზებსაც აძლევენ ნებართვას. ცალსახად მინდა ვთქვა, რომ ეს არამეგობრული ჟესტია რუსეთთან ომის პირობებში მყოფი უკრაინის მიმართ, რომლის პოზიციასაც აქვს ძალიან დიდი მნიშვნელობა ჩვენი ქვეყნისთვის ევროკავშირის გზაზე პროგრესის მისაღწევად. ერთი მხრივ, ამით ხელისუფლება ქმნის საფრთხეს, რომ საქართველო სანქციების ქვეშ აღმოჩნდეს და მეორე მხრივ, ქმნის რისკს, რომ კრახით დასრულდეს ჩვენი მცდელობა, ევროკავშირში გაწევრიანების კანდიდატის სტატუსი მივიღოთ“,- განაცხადა სამადაშვილმა.

სამადაშვილი, ასევე, გამოეხმაურა ფრენებთან დაკავშირებით ირაკლი ღარიბაშვილის განცხადებას, რომელმაც თქვა რომ არასწორია, ამ გადაწყვეტილებების და ევროპული მომავლის დაკავშირება.

„ღარიბაშვილისთვის ეს არის მიღწევა, რადგან ის ასრულებს რუსეთის დავალება, რომელიც საქართველოს იზოლაციაში მოქცევა და ევროკავშირთან ჩამოშორებაა. ეს არის წარმატება რუსეთის, მისი რბილი ძალის გამოყენებით, რუსეთს ჰყავს ჩვენს ქვეყანაში მოკავშირე ხელისუფლება“,- განაცხადა სამადაშვილმა.

ცნობისთვის, ავიაკომპანია Red Wings-ი სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას მიმდინარე წლის ივნისიდან იწყებს. სამოქალაქო ავიაციის სააგენტოს მიერ გავრცელებული ინფორმაციის მიხედვით, ავიაკომპანია ევროკავშირის „შავ სიაში“ არ არის.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024