ტერაბანკმა FMO-სთან 45 მილიონი ლარის ოდენობის სასესხო ხელშეკრულება გააფორმა

ტერაბანკისა და ნიდერლანდების განვითარების ბანკის (FMO) თანამშრომლობა გრძელდება. ახალი თანამშრომლობის ფარგლებში, ტერაბანკმა ნიდერლანდების განვითარების ბანკთან 45 მილიონი ლარის ოდენობის სასესხო ხელშეკრულება გააფორმა. მიღებული დაფინანსება ტერაბანკის პრიორიტეტული სეგმენტების - მცირე და საშუალო ბიზნესისა და ახალგაზრდა მეწარმეების ხელშეწყობას მოხმარდება.

მხარეებს შორის ახალი თანამშრომლობა კიდევ ერთხელ ადასტურებს, რომ FMO ტერაბანკისა და საქართველოში საინვესტიციო საქმიანობის მხარდაჭერას კვლავაც აგრძელებს.

„ერთ-ერთ გავლენიან საერთაშორისო საფინანსო ინსტიტუტთან, FMO-სთან, თანამშრომლობა ჩვენთვის ყოველთვის განსაკუთრებულად ღირებული და მნიშვნელოვანია. მიღებული დაფინანსება მოგვცემს შესაძლებლობას, ფინანსურ რესურსებზე ხელმისაწვდომობა გავზარდოთ და ქვეყნის ეკონომიკისთვის უმნიშვნელოვანესი სეგმენტის - მცირე და საშუალო ბიზნესის გაძლიერება გავაგრძელოთ“, – აცხადებენ ტერაბანკში.

ტერაბანკსა და ნიდერლანდების განვითარების ბანკს შორის გრძელვადიან ურთიერთობას საფუძველი 2017 წელს ჩაეყარა. ბანკმა FMO-სგან 30 მილიონი ლარის ოდენობის დაფინანსება გასულ წელსაც მიიღო.

(R)

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება