ბათუმი საერთაშორისო ტურისტულ გამოფენას მასპინძლობს

ბათუმი სასტუმრო აღჭურვილობისა და ტურიზმის საერთაშორისო გამოფენას მასპინძლობს. ამის შესახებ ინფორმაციას აჭარის ავტონომიური რესპუბლიკის მთავრობის, ტურიზმისა და კურორტების დეპარტამენტი ავრცელებს.

მათივე ცნობით, გამოფენაზე ტურიზმის სფეროს 85-მდე ადგილობრივი და საერთაშორისო კომპანია ვიზიტორებს ტურისტულ სერვისებს, პროდუქტებსა და მიმართულებებს სთავაზობს. საქართველოს სხვადასხვა რეგიონებთან ერთად გამოფენაზე სპეციალური სტენდითაა წარმოდგენილი აჭარის ტურისტული პროდუქტებიც, სადაც ვიზიტორებს რეგიონის სხვადასხვა ტურისტული მიმართულებების შესახებ ამომწურავი ინფორმაციის მიღება შეუძლიათ.

„ბათუმის ტურისტული გამოფენის ფარგლებში პანელური დისკუსიები გაიმართა ტურიზმის სექტორში არსებული გამოწვევებისა და შესაძლებლობების შესახებ. ტურისტული სექტორის წარმომადგენლებმა აჭარის ტურიზმის დეპარტამენტის თავმჯდომარის მოადგილესთან ერთად იმსჯელეს: თუ რა გამოწვევები აქვს სექტორს კვალიფიციური კადრების კუთხით? რა შესაძლებლობები არსებობს საგანმანათლებლო სფეროში არსებული გამოწვევების დასაძლევად? რამდენად ეფექტურია დუალური განათლება და სხვა არსებული პროგრამები, რომელმაც ტურიზმის სფერო პროფესიული კადრებით უნდა უზრუნველყოს?

ტურიზმისა და სასტუმრო აღჭურვილობის მე-14 საერთაშორისო გამოფენაში მონაწილეობას ტურისტული კომპანიები, სასტუმროები და რესტორნები, სასტუმრო აღჭურვილობის მომწოდებლები, დასასვენებელ-გამაჯანსაღებელი ცენტრები, დაცული ტერიტორიები, ღვინის მწარმოებელი კომპანიები, სადაზღვევო კომპანიები, სატრანსპორტო კომპანიები, მუნიციპალიტეტები, ტურიზმის დეპარტამენტები და ასოციაციები იღებენ. გამოფენის ფარგლებში დაგეგმილია სხვადასხვა სახის ღონისძიება და მასტერკლასი. ტურისტული გამოფენა, რომელიც საგამოფენო კომპანია Expo Batumi-ის ორგანიზებით იმართება, დღეს გაიხსნა და 21 მაისს დასრულდება. მასზე დასწრება თავისუფალია”, - ნათქვამია ინფორმაციაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო