აჭარაში 40-მდე დამწყები გიდი გადამზადდა

აჭარაში დამწყები გიდების თეორიულ-პრაქტიკული ტრენინგები დასრულდა. აღნიშნულთან დაკავშირებით ინფორმაციას აჭარის მთავრობა ავრცელებს.

მათი ცნობით, აჭარის ტურიზმის დეპარტამენტმა რეგიონში სერვისის გაუმჯობესების მიზნით 40-მდე დამწყები გიდი გადაამზადა, რომელთაც სპეციალური სერტიფიკატები გადაეცათ. წელს, პირველად, მათ შორის იყვნენ დამწყები თურქულენოვანი გიდები, რომლებზეც ტურისტების მხრიდან დიდი მოთხოვნაა.

თეორიულ-პრაქტიკული ტრენინგ-კურსის მონაწილეებმა გიდის პროფესიის ძირითადი საფუძვლები, ბათუმის ტურისტული მარშრუტები შეისწავლეს და პრაქტიკა ქალაქის ტურების მიმართულებით გაიარეს.

აჭარის ტურიზმის დეპარტამენტის საგაზაფხულო ტრენინგ პროგრამას გიდებთან ერთად სასტუმროებისა და კვების ობიექტების მენეჯერები, დასუფთავების სამსახურის თანამშრომლები, მიმტანები და ადმინისტრატორები გადიან. ისინი ცოდნას სერვისის საერთაშორისო სტანდარტების მიმართულებით იუმჯობესებენ. ტრენინგები ბათუმსა და ქობულეთში მარტიდან მიმდინარეობს. ჯამში, საგაზაფხულო სესიებისას 400-მდე სექტორის წარმომადგენელი გადამზადდება. წლის ბოლომდე აჭარის ტურიზმის დეპარტამენტი სერვისის გაუმჯობესების მიზნით ტრენინგებთან ერთად მასტერკლასებს, ვიდეოგაკვეთილებსა და ვორქშოპებს გეგმავს. დეპარტამენტის მიერ ორგანიზებული ტრენინგები უფასოა და მასზე დასწრება აჭარაში მოქმედი ტურისტული სექტორის წარმომადგენლებს შეუძლიათ. მსურველებმა წინასწარი რეგისტრაცია სერვისის განვითარების ოფიციალურ ვებპორტალზე - http://serviceajara.ge/ უნდა გაიარონ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო