შალვა პაპუაშვილი - შეგვიძლია ვთქვათ, რომ რეკომენდაციების 80% შესრულებულია

პარლამენტის თავმჯდომარის შალვა პაპუაშვილის შეფასებით, ევროკომისიის 12 რეკომენდაციების 80% უკვე შესრულებულია.

როგორც მან ჟურნალისტებს განუცხადა, რეკომენდაციების უმეტესობა შესრულებულია, მათ შორისაა საარჩევნო რეფორმა, ასევე ანტიკორუფციულ საკითხი, ორგანიზებული დანაშაულთან ბრძოლა და ომბუდსმენის არჩევა.

„რაც შეეხება 12 რეკომენდაციას, ჩვენ ვაფასებთ ჩვენი მხრიდან სად ვიმყოფებით დღეს. შეგვიძლია ვთქვათ, რომ რეკომენდაციების 80% ჩვენი შეფასებით, შესრულებულია. რა თქმა უნდა, საბოლოო შეფასებას ევროკომისია გააკეთებს. სხვათა შორის, არა არასამთავრობო ორგანიზაციამ, ოპოზიციამ, მედიამ ან სხვამ, საბოლოო ჯამში, ჩვენ ყველა ევროკომისიის შეფასებას უნდა დაველოდოთ. მანამდე, ჩვენ ყველას ჩვენი შეფასებები გვაქვს. ჩვენი შეფასებით, ვფიქრობთ, რომ რეკომენდაციების 80% შესრულებულია და სხვათა შორის, ჩვენ გვაქვს ასევე ზეპირი კომუნიკაცია როგორც სხვადასხვა დედაქალაქებში პარლამენტში შეხვედრებით კოლეგებთან, ასევე ბრიუსელთან კომუნიკაციით. ბევრ საკითხთან დაკავშირებით ჩვენ ზეპირი კომუნიკაციით ვიცით, რომ არის პოზიტიური შეფასებები. მაგალითად, საპარლამენტო ზედამხედველობის გაძლიერების მხრივ, საარჩევნო რეფორმის მხრივ, გენდერულ საკითხთან დაკავშირებით, ანტიკორუფციულ საკითხთან, ორგანიზებულ დანაშაულთან და სტრასბურგის სასამართლოს გადაწყვეტილებებთან და ომბუდსმენთან დაკავშირებით. ახლა ის არასამთავრობო ორგანიზაციები, რომლებიც თვითონ რომ ვერ გახდნენ ომბუდსმენები, ახლა დგანან და ამ რეკომენდაციებს შეუსრულებლად აფასებენ. იმდენი მორიდებაც კი არ აქვთ, მიხვდნენ, რომ თავად არიან ამ პროცესში დაინტერესებული მხარე, თვითონ იყვნენ კანდიდატები და ვინაიდან ისინი არ ავირჩიეთ, ახლა, იმდენი თავმდაბლობა არ აქვთ, რომ მინიმუმ ამ საკითხთან დაკავშირებით შეფასებისგან თავი მაინც შეიკავონ. ისინი არიან მიკერძოებული და დაინტერესებული მხარეები. რა თქმა უნდა, ომბუდსმენის ნაწილიც შესრულებულია. ჩვენი დამოკიდებულება არის პოზიტიური, რომ ევროკომისიის შეფასებაც პოზიტიური იქნება“, - განაცხადა პაპუაშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი