სამი ამბავი, რის შემდეგაც „ნაცრისფერი“ iPhone-ის ყიდვას გადაიფიქრებთ

ნებისმიერი ადამიანისთვის, რომელიც რაიმე კონკრეტული ნივთის შეძენას გეგმავს, იაფად შეძენა ჩვეულებრივ სურვილს წარმოადგენს. მაგრამ ზოგჯერ ამან შეიძლება უსიამოვნო შედეგები გამოიწვიოს. სტატიაში იმ ადამიანების ისტორიებს მოგითხრობთ, რომელთა გამოცდილებაც გამოგადგებათ თუ iPhone-ის შეძენა და თანხის დაზოგვა გსურთ.

ამბავი 1. ვიყიდე იაფად... და არაფერი შემრჩა მარიამი, 23 წლის:

„დიდი ხანი ვოცნებობდი iPhone-ზე. ცოტაოდენი თანხა დავზოგე და ვეძებდი სად მეყიდა იაფად. ვიპოვე ერთი შეხედვით სანდო საიტი, სადაც iPhone-ის ფასი სხვა მაღაზიებთან შედარებით გაცილებით დაბალი იყო. რა თქმა უნდა, მქონდა ეჭვები და შეძენამდე მსურდა სმარტფონის ნახვა, თუმცა აღმოჩნდა, რომ მხოლოდ ონლაინ მაღაზია ჰქონდათ. დავწრმუნდი, რომ დაბალი ფასი იმიტომ ჰქონდათ, რომ მაღაზიის ქირას არ იხდიდნენ. შეძენილი ნივთი კურიერული მომსახურებით მომიტანეს, ლამაზი, ბრენდული შეფუთვით. ყუთი და თავად iPhone-ი ვიზუალურად გამოიყურებოდა როგორც ორიგინალი. მომცეს ერთწლიანი „მაღაზიის“ გარანტია. იმ მომენტში ეჭვი ვერაფერმა გააჩინა. სმარტფონს სამი თვის განმავლობაში ვიყენებდი, ერთ დღესაც აღარ ჩაირთო. არც დამვარდნია და არც წყალში ჩავარდნილა.

გამყიდველის ძებნა დავიწყე, საიტი ვერ ვიპოვე, ტელეფონები გამორთული იყო. უახლოეს სერვის ცენტრში აღმოვაჩინე, რომ ჩემი გაჯეტი ჩინური ნაწილებისგან იყო აწყობილი. შიგნით ყველაფერი ისე იყო დამაგრებული, გასაკვირია კიდეც, რომ 3 თვე იმუშავა. მითხრეს, რომ ასეთი "სასწაულის" გამოსწორება შეუძლებელია. ყიდვის დროს დავზოგე, მაგრამ ბოლოს უფულოდ და უტელეფონოდ დავრჩი“.

სერვის ცენტრის ექსპერტის კომენტარი:

„სამწუხაროდ, ასეთი შემთხვევები ხშირია. ხალხი უფრო იაფ პროდუქციას ეძებს, მაგრამ რჩება ფულის და გაჯეტის გარეშე. ჩინური ნაწილებისგან აწყობილ „iPhone- ებს“ მცირე საერთო აქვთ Apple-ის ტექნოლოგიასთან. ისინი შეუსაბამოა სარემონტოდ. და მე ვიტყოდი, რომ საერთოდ არაფრად ვარგა. მყიდველი გარკვეული პერიოდის განმავლობაში შეიძლება ვერ მიხვდეს რა იყიდა სინამდვილეში, რადგან ტელეფონი და ყუთი საკმაოდ ნორმალურად გამოიყურება. გირჩევთ, ყიდვამდე ყოველთვის შეამოწმოთ გაჯეტი IMEI-ით. ეს რიცხვი ყველგან უნდა ემთხვეოდეს: ყუთზე, სისტემაში და მოწყობილობაზე. ასევე Apple-ის ვებსაიტზე IMEI-ის საშუალებით შეგიძლიათ შეამოწმოთ მისი ორიგინალობა. და რაც მთავარია: დაბალმა ფასმა ყოველთვის უნდა დაგაფიქროთ.“

ამბავი 2. დაზოგა შეძენისას და დახარჯა შეკეთებაზე

ზურაბი, 42 წლის:

”შემოდგომაზე ოჯახთან ერთად დუბაიში ჩავფრინდი და Apple-ის ოფიციალურ მაღაზიას ვესტუმრე, უახლესი iPhone-ის ყიდვას ვგეგმავდი და ფასების შედარება მინდოდა. ტელეფონი იქ უფრო იაფი აღმოჩნდა ვიდრე ჩვენთან და თანხის დაზოგვის მიზნით სმარტფონი შევიძინე. ვიფიქრე, რომ iPhone-ი იქაც ორიგინალია, გარანტია კი საერთაშორისო. გარკვეული პერიოდის შემდეგ, შევამჩნიე რომ დისპლეი ცუდად რეაგირებდა შეხებაზე. თბილისის ოფიციალურ სერვის ცენტრს მივმართე და თან წარვადგინე ქვითრები და საბუთები, რომ პრობლემა უფასოდ მომეგვარებინა. მაგრამ აღმოჩნდა, რომ გარანტია და შესაბამისად, უფასო შეკეთება მოქმედებს მხოლოდ იმ ქვეყანაში სადაც შეიძენ. ანუ მე უნდა წავსულიყავი UAE-ში სმარტფონის შესაკეთებლად. მომიწია სერვისის თანხის გადახდა, რაც ახალი ტელეფონის ღირებულების თითქმის 30%-ია. ასეთი „ეკონომია“ გავაკეთე“.

სერვის ცენტრის ექსპერტის კომენტარი:

„iPhone-ის უსასყიდლოდ შეკეთება შესაძლებელია მხოლოდ იმ ქვეყანაში, სადაც შეიძენთ. თუ გაჯეტი იყიდეთ საზღვარგარეთ და მოგვიტანეთ, შეკეთების საფასური უნდა გადაიხადოთ, მაშინაც კი, თუ თქვენ არ დაგიზიანებიათ. გარდა ამისა, გასათვალისწინებელია, რომ სხვადასხვა ქვეყნებისთვის შექმნილ iPhone-ებს განსაკუთრებული თავისებურებები აქვთ. მაგალითად, არაბეთის გაერთიანებული საემიროებისთვის შექმნილ გაჯეტებს შეზღუდვა აქვს ვიდეო ზარებზე. FaceTime-მა შეიძლება საერთოდ არ იმუშაოს ან დაბრკოლებები ჰქონდეს. ქარხნული დეფექტები იშვიათია, მაგრამ ოფიციალური გარანტია საშუალებას გაძლევთ თანხა დაზოგოთ მსგავსი პრობლემების თავიდან ასაცილებლად, გირჩევთ პროდუქცია ადგილობრივი ავტორიზებული რესელერებისგან შეიძინოთ - მათი სიის ნახვა Apple-ის ვებსაიტზე შეგიძლიათ.

ამბავი 3. გარანტიის ფარგლებში უფასოდ შეკეთებული iPhone-ი

გიორგი, 34 წლის:

„დიდი ხნის განმავლობაში ვათვალიერებდი და ვადარებდი ვებგვერდებს iPhone-ის შესაძენად, ვკითხულობდი მიმოხილვებს ინტერნეტში, მაგრამ საბოლოოდ არ გავრისკე და iPhone ოფიციალური რესელერებისგან შევიძნე. ვფიქრობ, ეს იყო საუკეთესო გადაწყვეტილება. შეძენიდან 10 თვის შემდეგ, წინა კამერას პრობლემა შეექმნა, რაშიც ალბათ მე ვარ დამნაშავე, რადგან ტელეფონს აქტიურად ვიყენებ. სწორედ იმ პერიოდში ვაპირებდი შვებულებაში წასვლას და ტელეფონი ძალიან მჭირდებოდა. მივაკითხე ოფიციალურ სერვის ცენტრს და საგარანტიო პირობებით სპეციალისტებმა უფასოდ, ზედმეტი ლარის გადახდის გარეშე და ძალიან მალე შეცვალეს კამერა. აღმოჩნდა, რომ ოფიციალურ წარმომადგენელთან შეძენით, თავიდან ავიცილე ზედმეტი ხარჯები და მოგზაურობიდან შთამბეჭდავი ფოტოებით დავბრუნდი."

სერვის ცენტრის ექსპერტის კომენტარი:

"Apple-ის პოლიტიკის შესაბამისად, ზოგიერთ შემთხვევაში, პრობლემურ გაჯეტს მსგავსი ახლით ვანაცვლებთ. რა თქმა უნდა, ეს შესაძლებელია მხოლოდ იმ შემთხვევაში, თუ ტელეფონი შეძენილია საქართველოში, ოფიციალურ რესელერთან. "ნაცრისფერი" iPhone-ების შემთხვევაში შეკეთება ფასიანია ხოლო ჩანაცვლება არ ხდება. ასე რომ, ვინც შეძენის დროს ეკონომიას აკეთებს და არაოფიციალურ გაჯეტს ყიდულობს, ხშირად იძულებულნი არიან დახარჯონ ბევრად მეტი. სანამ გადაწყვეტთ თუ სად იყიდოთ iPhone-ი, მხოლოდ ფასის გამო არჩევანს ნუ გააკეთებთ.“

ნებისმიერი შენაძენის გაკეთებისას, კარგად გაიაზრეთ თუ სად ყიდულობთ, განსაკუთრებით თუ ეს უახლეს iPhone-ს ან ძვირადღირებულ Macbook Pro-ს ეხება. შეიძინეთ ისე, რომ მცირე დანაზოგი არ გადაიზარდოს მოულოდნელ ხარჯებად ან დასრულდეს სრული თანხის დაკარგვით, შეარჩიეთ მწარმოებლის მიერ რეკომენდებული რესელერები მის ოფიციალურ ვებსაიტზე.

სერვის ცენტრის ექსპერტის კომენტარი:

„Apple-ის პროდუქციასთან დაკავშირებული პრობლემების შემთხვევაში, თუ გსურთ რომ მაღალი ხარისხის მომსახურებაში იყოთ დარწმუნებული, გირჩევთ, დაუკავშირდეთ Apple-ის ავტორიზებულ სერვის ცენტრს. ჩვენი ყველა ტექნიკოსი Apple-ის მიერ სერტიფიცირებულია და მხოლოდ ორიგინალ ნაწილებს იყენებს.”

Apple-ის ავტორიზებული რესელერები საქართველოში:

iSpace, Alta, Elit Electronics, Kontakt Home, iTechnics, iPlus, iStore, Silknet.

(R)

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი