პოლონეთის, ესტონეთისა და ლიეტუვის საგარეო საქმეთა უწყებები საქართველოს დამოუკიდებლობის დღეს ულოცავენ

კეთილდღეობას ვუსურვებთ ჩვენს ძვირფას მეგობრებს საქართველოდან, გილოცავთ საქართველოს დამოუკიდებლობის დღეს! - ამის შესახებ პოლონეთის საგარეო საქმეთა სამინისტროს განცხადებაშია აღნიშნული.

საქართველოსა და ქართველ ხალხს დამოუკიდებლობას ულოცავს ესტონეთის საგარეო უწყებაც.

„ძვირფასო ქართველო ხალხო, გილოცავთ დამოუკიდებლობის დღეს!” - აღნიშნულია ესტონეთის აღნიშნულია საგარეო საქმეთა სამინისტროს განცხადებაში.

ლიეტუვის საგარეო უწყებაში კი აცხადებენ, რომ ქართველი ხალხის ერთგულება თავისუფლებისა და დემოკრატიისადმი დღესაც ისეთივე მნიშვნელოვანია, როგორც 1918 წელს.

„გილოცავთ პირველი დემოკრატიული რესპუბლიკის 105 წლის იუბილეს. ქართველი ხალხის ერთგულება თავისუფლებისა და დემოკრატიისადმი დღესაც ისეთივე მნიშვნელოვანია, როგორც 1918 წელს“, - აღნიშნულია განცხადებაში.