საქართველოს დამოუკიდებლობის დღესთან დაკავშირებით, ლენტეხის მუნიციპალიტეტში სახელმწიფო დროშა აღიმართა
საქართველოს დამოუკიდებლობის დღესთან დაკავშირებით, ლენტეხის მუნიციპალიტეტში სახელმწიფო დროშა აღიმართა. ამის შესახებ ინფორმაციას ლენტეხის მუნიციპალიტეტის მერია ავრცელებს.
მათივე ცნობით, შენობები და ქუჩები დროშებით მოირთო და საქართველოს ჰიმნი გაჟღერდა. ამასთან, საქართველოს დამოუკიდებლობის დღისადმი მიძღვნილი ღონისძიება, ცენტრალურ მოედანზე, შესავალი სიტყვით ლენტეხის მუნიციპალიტეტის მერმა გია ონიანმა გახსნა, რომელმაც საქართველოს დამოუკიდებლობის დღის გამოცხადების, მისი მნიშვნელობის შესახებ ისაუბრა და ეს დღე სრულიად საქართველოს მიულოცა:
„გილოცავთ 26 მაისს, ერთ-ერთ უმნიშვნელოვანეს თარიღს ჩვენი ქვეყნის ისტორიაში. 1918 წლის 26 მაისი არის დღე, რომელმაც გვაჩუქა თავისუფლება. დღე, რომელიც შეგვახსენებს რამდენი იშრომა და იბრძოლა ჩვენმა ქვეყანამ თავისუფლებისთვის, დამოუკიდებლობისთვის!"- აღნიშნა გია ონიანმა.
გავრცელებული ინფორმაციის თანახმად, დამოუკიდებლობის დღისადმი მიძღვნილ ღონისძიებებში მონაწილეობდნენ მოსწავლე ახალგაზრდობის, სამხატვრო სკოლის, რცხმელურის საჯარო სკოლის მოსწავლეები.
„ბავშვებმა საქართველოს დამოუკიდებლობის დღეს ლექსები, სიმღერები მიუძღვნეს.
მოეწყო შემაჯამებელი გამოფენა, სადაც წარმოდგენილი იყო ფერწერული ნამუშევრები.
ღონისძიება ლ. მუსელიანის სახელობის მხარეთმცოდნეობის მუზეუმში გაგრძელდა, სადაც 26 მაისთან დაკავშირებით დოკუმენტური ფილმის ჩვენება გაიმართა“,- აღნიშნულია ინფორმაციაში.
v-if="article.gallery" v-html="article.gallery"
