თელავში OFF-ROAD-ის მსოფლიო ჩემპიონატის წინა საფინალო ეტაპმა სტარტი აიღო
თელავის მუნიციპალიტეტის მერიის, 4WD Off-Road Club-ის და თელავის ექსტრემალური სპორტის კლუბის ორგანიზებით, თელავის მუნიციპალიტეტში სტარტი აიღო OFF-ROAD -ის მსოფლიო ჩემპიონატის RAINFOREST CHALLENGE - 2023 -ის წინა საფინალო ეტაპმა - RFC CAUCASUS 2023.
თელავის მუნიციპალიტეტის მერიის ცნობით, შეჯიბრი იყალთოს მიმდებარედ, ავტო-დრომზე მიმდინარეობს და ღონისძიება ხვალ დასრულდება.
„შეჯიბრის ფორმატი RFC გულისხმობს რამოდენიმე ეტაპად დაყოფილი დაბრკოლებებიანი სპეც მონაკვეთების გავლას, სადაც გაიმარჯვებს საუკეთესო ჯამური დროის მქონე ეკიპაჟი.შეჯიბრი ოთხ ჩათვლით კატეგორიაში ტარდება: სტანდარტი (სამოყვარულო) კლასი, მოდიფიცირებული კლასი, პრო-მოდიფიცირებული კლასი და პროტოტიპები.
RFC CAUCASUS 2023 - ის გამარჯვებულების ვინაობა ხვალ გახდება ცნობილი. გამარჯვებულები მიიღებენ ფინალურ შეჯიბრზე მონაწილეობის ლიცენზიას. ფინალური შეჯიბრი ყოველი წლის ბოლოს მალაიზიაში იმართება და 10 დღე გრძელდება“,- აღნიშნულია ინფორმაციაში.
v-if="article.gallery" v-html="article.gallery"
