Golden Tulip Design Tbilisi-ის ციფრულ გალერიაში ბელგიელი NFT არტისტის თიბოთ შაიკის ექსპოზიცია, სახელწოდებით MY GENERATIVE PIANO გაიხსნა. სასტუმროს ლობი, საქართველოში პირველი ადგილია, სადაც NFT ხელოვნების სივრცეა მოწყობილი.
პროექტი MY GENERATIVE PIANO არის ნამუშევრების სერია, რომელიც მთლიანად შექმნილია კოდირების ენის JAVASCRIPT-ის გამოყენებით.
თქვენ წინაშე წარმოდგენილია ანიმაციური ვიზუალური ხელოვნება, რომელსაც მუსიკალურ ფონად მოყვება ფორტეპიანოზე შესრულებული, ალგორითმით შედგენილი კომპოზიცია. ყოველ ჯერზე, როდესაც ალგორითმი მუშაობს, სრულიად უნიკალური, აქამდე არასოდეს ნანახი ნამუშევარი ცოცხლდება დამთვალიერებლის წინაშე. შავი და თეთრი კუბების ვიზუალური ელემენტები ასახავს ფორტეპიანოზე ნაპოვნი შავი და თეთრი კლავიშების თანაფარდობას.
სერიების თითოეული ნამუშევარი წარმოქმნის უნიკალურ, უსასრულო საფორტეპიანო კომპოზიციას. ფინალური სერია შედგება ალგორითმიდან გენერირებული 365 ნაწილისგან.
Golden Tulip Design Tbilisi-ში ციფრული გალერეა გასული წლის ოქტომბერში, ლევან ამაშუკელის ექსპოზიციით გაიხსნა. გამოფენების სერიას Street Gallery წარმოადგენს. Street Gallery არის მოძრაობა, რომელიც ქმნის ალტერნატიულ, არატრადიციულ საგამოფენო სივრცეებს სხვადასხვა ქალაქსა და ქვეყანაში. მისი კონცეფცია გულისხმობს ციფრული ხელოვნების წარმოჩენას ყველასათვის ხელმისაწვდომ ღია სივრცეებსა და ქუჩებში.
პროექტის მხარდაჭერით, სასტუმროს Golden Tulip Design Tbilisi სურს ხელი შეუწყოს ქვეყანაში NFT ხელოვნების პოპულარიზაციას.
(R)