მარნეულში ადგილობრივი თვითმმართველობის ორგანიზებით, ბავშვთა დაცვის საერთაშორისო დღე აღინიშნა
მარნეულში ადგილობრივი თვითმმართველობის ორგანიზებით, ბავშვთა დაცვის საერთაშორისო დღე აღინიშნა. მარნეულის მუნიციპალიტეტის მერიის ცნობით, ბავშვებს ეს დღე მუნიციპალიტეტის მერმა კენან ომაროვმა და საკრებულოს თავმჯდომარე ამირან გიორგაძემ მიულოცეს.
მათივე ინფორმაციით, საჯარო ბიბლიოთეკის მიმდებარე სკვერში მოეწყო ექსპერიმენტორიუმი-მეცნიერული შოუ, სამაგიდო თამაშები, სახის მოხატვა, ხალიჩების ქსოვისა და ქსოვილის შეღებვის მასტერკლასი, სოფ. მარადისის სკოლის ,,ეკო კლუბი" ყვავილების გამოფენა-გაყიდვა, მარნეულის მე-2 საჯარო სკოლის სამოქალაქო კლუბი ,,ჩვენი მომავლისთვის"- ხელნაკეთი ნივთების გამოფენა-გაყიდვა.
„ღონისძიებები გაგრძელდა მიხეილ ჯავახიშვილის ბიუსტის მიმდებარე სკვერში. ღონისძიებაზე „მშვიდობა მსოფლიოს ბავშვებს" წარმოდგენილი იყო: გასართობი სივრცე, ხატვის მასტერკლასები, ანიმატორების შოუ, ზღაპრის გმირების 2 საათიანი პერფორმანსი, დიჯეი, სპორტული აქტივობა-ძიუდოს მასტერკლასები.
ბავშვთა დაცვის საერთაშორისო დღისადმი მიძღვნილი ღონისძიებები, მარნეულის კულტურის სახლის საკონცერტო დარბაზში, კულტურის ცენტრთან არსებული ვოკალის სტუდიის კონცერტით დასრულდა.
ღონისძიებას მარნეულის მუნიციპალიტეტის მერთან კენან ომაროვთან და საკრებულოს თავმჯდომარე ამირან გიორგაძესთან ერთად, მერის პირველი მოადგილე როინ დეკანოიძე მერის მოადგილე თემურ შუბითიძე და ადგილობრივი თვითმმართველობის წარმომადგენლები ესწრებოდნენ”, - აღნიშნულია ინფორმაციაში.
v-if="article.gallery" v-html="article.gallery"
