ვიდრე „ნაციონალური მოძრაობა“ აცხადებს, რომ ხელისუფლებაში უნდა დაბრუნდეს, ამით „ქართული ოცნების“ პოზიციებს მხოლოდ აძლიერებს - ცხადია, არჩევნებამდე "ნაციონალურ მოძრაობასთან" არანაირ თანამშრომლობას არ ვაპირებთ! - ეს განცხადება "ლელოს" დეპუტატმა სალომე სამადაშვილმა ჟურნალისტებთან გააკეთა.
სამადაშვილის შეფასებით, "ქართული ოცნების" დამარცხების გასაღები "ნაციონალურ მოძრაობასთან თანამშრომლობა არა თუ არ არის, პირიქით - "ქართული ოცნების" პროპაგანდა მთელი ოპოზიციის "ნაციონალური მოძრაობის" სატელიტებად გამოცხადებაზე დგას.
"სწორედ ამიტომ ჩვენ ქართველი ამომრჩევლისთვის ალტერნატივის შეთავაზებას ვაპირებთ, რომელიც არც "ქართული ოცნება" და არც "ნაციონალური მოძრაობა" არ იქნება.
ცხადია, არჩევნებამდე "ნაციონალურ მოძრაობასთან" არანაირ თანამშრომლობას არ ვაპირებთ, მით უფრო იმ ფორმაში მყოფ პარტიასთან, რა ფორმაშიც ის დღეს არის", - განაცხადა სალომე სამადაშვილმა.