გარდაბნის მუნიციპალიტეტის მერმა დავით კარგარეთელმა, მოადგილე ფუად მირზოევმა, საკრებულოს თავმჯდომარე მიხეილ გედეხაურმა და მოადგილეებმა სამირ ხიალოვმა და ვუგარ მამედოვმა საქართველოს დამოუკიდებლობის დღისადმი მიძღვნილი ღონისძიების - ,,მოვიარე საქართველო", ორგანიზატორებს, სსიპ გარდაბნის მუნიციპალიტეტის სოფელ ყარაჯალას საჯარო სკოლის პედადაგოგებს ლიანა მუკბანიანს, ნატალია ბექაურსა და ა(ა)იპ გარდაბნის მუნიციპალიტეტის კულტურისა და ხელოვნების ცენტრის დირექტორს ლეილა ბენდელიანს, მადლობის სიგელი გადასცეს. ამის შესახებ ინფორმაციას გარდაბნის მუნიციპალიტეტის მერია ავრცელებს.

პროექტი „მოვიარე საქართველო" მიზნად ისახავს ცნობიერების ამაღლებას საქართველოს სხვადასხვა კუთხის კულტურაზე.

„სასიხარულოა ის ფაქტი, რომ განათლების სისტემაში სწორედ ასეთი ღირსეული ადამიანები არიან ჩართულნი, მნიშვნელოვანია დავუფასოთ მათ შრომა და საქმისადმი მაღალი პასუხისმგებლობა", - განაცხადა დავით კარგარეთელმა.