ქვემო ქართლში სახელმწიფო რწმუნებულმა, გიორგი დოხტურიშვილმა მარნეულის მუნიციპალიტეტში, ინფრასტრუქტურული პროექტის სამშენებლო სამუშაოები დაათვალიერა.

ამის შესახებ ქვემო ქართლის სამხარეო ადმინისტრაცია ავრცელებს.

მათივე ცნობით, ინფრასტრუქტურული პროექტი რწმუნებულთან ერთად მარნეულის მუნიციპალიტეტის მერმა კენან ომაროვმა, მარნეულისა და გარდაბნის მაჟორიტარ-დეპუტატმა პარლამენტში, ზაურ დარგალმა, მარნეულის საკრებულოს თავმჯდომარემ, ამირან გიორგაძემ დაათვალიერეს.

„ინფრასტრუქტურული პროექტის მიხედვით, აშენდება ადმინისტრაციული შენობა, რომელიც განკუთვნილი იქნება მერიის დაქვემდებარებაში არსებული სამსახურებისთვის. ასევე, მიმდინარეობს ავტობუსებისთვის, ნაგავმზიდებისა და სხვა სპეცტექნიკისთვის სპეციალური შენობების მოწყობა, ეზოს ტერიტორიაზე აშენდება ავტოსამრეცხაოც.

პროექტის სრული ღირებულება შეადგენს 2 460 000 ლარს და სრულად დაფინანსებულია ადგილობრივი ბიუჯეტიდან.

ინფრასტრუქტურული პროექტი რწმუნებულთან ერთად მისმა მოადგილეებმა, ნიკა კობახიძემ და ილია ჯალაღანიამ, მარნეულის მუნიციპალიტეტის მერის პირველმა მოადგილემ როინ დეკანოიძემ და ადგილობრივი ხელისუფლების წარმომადგენლებმა მოინახულეს“, - ნათქვამია გავრცელებულ ინფორმაციაში.