ირაკლი კობახიძე - თუ „გლობალური ომის პარტია“ საქმეში არ ჩაერთვება, მაღალი ალბათობით, ევროკავშირის კანდიდატი ქვეყნის სტატუსი მოგვენიჭება - „ნაცმოძრაობა“ არის „ლოკალური“, ვინ არის „გლობალური ომის პარტია“ არ დაგიზუსტებთ

თუ „გლობალური ომის პარტია“ საქმეში არ ჩაერთვება, ძალიან მაღალი ალბათობით, ევროკავშირის კანდიდატი ქვეყნის სტატუსი მოგვენიჭება - „ნაცმოძრაობა“ არის „ლოკალური“, ვინ არის „გლობალური ომის პარტია“ არ დაგიზუსტებთ, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან საუბრისას განაცხადა.

მისივე თქმით, „გლობალური ომის პარტიას“ შეუძლია 27 ქვეყნიდან ერთი გარეთ გამოწიოს და ამ შემთხვევაში, საქართველოს ევროკავშირის კანდიდატის სტატუსი არ მიენიჭება.

„შანსები [კანდიდატის სტატუსის მიღების] არის 50/50-ზე, იმიტომ, რომ ეს არის პოლიტიკური გადაწყვეტილება. ეს რომ იყოს ფაქტებზე დაფუძნებული გადაწყვეტილება, ჩვენი შანსები 100%-იანი იქნებოდა. ჩვენთვის მთავარია რომ საქმეში კიდევ ერთხელ არ ჩაერთოს „გლობალური ომის პარტია“. „გლობალური ომის პარტიას“ შეუძლია 27 ქვეყნიდან ერთი გარეთ გამოწიოს და ამ შემთხვევაში, საქართველოს კანდიდატის სტატუსი არ მიენიჭება, რაც მოხდა დაახლოებით, წინა შემთხვევაში, როდესაც ჩვენ უსამართლოდ არ მოგვენიჭა კანდიდატის სტატუსი. იმედია, ამ შემთხვევაში „გლობალური ომის პარტია“ საქმეში არ ჩაერთვება. ასეთ შემთხვევაში ჩვენ ძალიან მაღალი ალბათობით, მოგვენიჭება კანდიდატის სტატუსი,“ - განაცხადა კობახიძემ.

კითხვაზე, თუ ვინ იგულისხმება „გლობალური ომის პარტიაში“, კობახიძე აცხადებს, რომ ამას ვერ დააზუსტებს, თუმცა „ნაციონალური მოძრაობა“ არის „ლოკალური ომის პარტია“.

„არ დაგიზუსტებთ. ძალიან კონკრეტულია. ზუსტად ვიცით, ვინ არის და რა არის გლობალური. „ნაცმოძრაობა“ არის ლოკალური. საუბარია „გლობალური ომის პარტიაზე“, თუმცა, რა თქმა უნდა, ამას ვერ დავაზუსტებთ,“ - განაცხადა კობახიძემ.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე