ირაკლი კობახიძე - საზოგადოებამ უნდა იცოდეს, რომ რუსული რუბლები არის „ნაცმოძრაობის“ მხარეს

კობა ნაყოფია, კახა ბენდუქიძე და სხვები რუსულ კავშირებში მხილებულები არ არიან, სამაგიეროდ თურმე ბიძინა ივანიშვილი ყოფილა რუსი ოლიგარქი! - ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

მისივე თქმით, ბიძინა ივანიშვილს რუსეთის ფედერაციაში არავითარი აქტივი არ აქვს და მან საკუთარი აქტივები ჩააბარა.

„სინამდვილეში სწორედ „ნაცმოძრაობამ“ რუსეთის ფედერაციას თავის დროზე ტერიტორიის 20%-ი ჩააბარა, მათ შორის, სტრატეგიულ-ეკონომიკური ობიექტები რუსეთის ფედერაციას ჩააბარეს და მათ არ აღელვებთ, რომ მათი ერთ-ერთი ლიდერი, ელენე ხოშტარია 5 მლნ რუბლს რუსეთის ბიუჯეტიდან იღებს. ეს ნიშნავს იმას, რომ ეს არის ფარისევლობა, სინამდვილეში ვის მხარეს არის რუსული რუბლები, ეს თქვენ არ გაინტერესებთ, მაგრამ საზოგადოებამ უნდა იცოდეს, რომ რუსული რუბლები არის „ნაცმოძრაობის“ მხარეს, თქვენ მხარეს.

ბიძინა ივანიშვილს რუსეთის ფედერაციაში არავითარი აქტივი არ აქვს, მან საკუთარი აქტივები ჩააბარა. ბენდუქიძე ხომ არის თქვენი ერთ-ერთი ბელადი, სად იშოვა ბენდუქიძემ ფული? ბენდუქიძე ხომ არ გაინტერესებთ? ბენდუქიძე იყო, თუ არა რუსი ოლიგარქი? ბენდუქიძემ ფული რუსეთში იშოვა, ნაყოფიამ ფული რუსეთში იშოვა! კობა ნაყოფია არის, თუ არა რუსი ოლიგარქი?, - განაცხადა კობახიძემ.

როგორც კობახიძემ აღნიშნა, კახა ბენდუქიძე დღემდე „ნაციონალური მოძრაობის“ ერთ-ერთ ბელადად ითვლება, ხოლო კობა ნაყოფია კი დღემდე „ნაციონალური მოძრაობის“ ერთ-ერთი წევრია.

„ნაცმოძრაობას“ არცერთ კითხვაზე პასუხი არ აქვს, ყველაფერში გაჭედილები არიან. რატომ? იმიტომ, რომ არაფერში მართალი არ არის, არ აინტერესებთ ხოშტარია რომ 5 მლნ რუბლს იღებს, არ აინტერესებთ, რომ კახა ბენდუქიძემ და კობა ნაყოფიამ რუსეთში ფული იშოვა“, - კობახიძემ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო