სალომე სამადაშვილი - ბოდვად მიმაჩნია, რომ კანონით შეიძლება ოლიგარქიის გავლენის გადაჭრა - ეს არის ევროპული გზის  საბოტაჟი

ამ ქვეყანაში თუ ვინმე არის დეპოლარიზაციის მომხრე, ვართ ჩვენ - „ლელო“, ადამიანები, რომლებიც, არც „ნაციონალურ მოძრაობას“ და არც „ქართულ ოცნებას“ წარმოვადგენთ, - ამის შესახებ „ლელოს“ პოლიტიკურმა მდივანმა, სალომე სამადაშვილმა „პალიტრანიუსის“ გადაცემაში „360 გრადუსი“ განაცხადა.

სამადაშვილის მტკიცებით, შარლ მიშელის შეთანხმება, რომ შესრულებულიყო, საქართველოს კანდიდატის სტატუსი უკვე მიღებული ექნებოდა.

მან შეცდომა უწოდა „ნაციონალური მოძრაობის“ გადაწყვეტილებას, რომ შარლ მიშელის შეთანხმებას ხელი არ მოაწერა.

„ევროკავშირმა ხელი შეგვიწყო, რომ დეპოლარიზაციისთვის საფუძველი შეგვექმნა და ქვეყანაში ცივილიზებული პოლიტიკური სისტემის მსგავსი შეგვექმნა ( ვგულისხმობ შარლ მიშელის შეთანხმებას). „ნაციონალური მოძრაობიდან“ წამოვედი, რადგან ჩემთვის მიუღებელი იყო აშკარად გამოკვეთილი ევროპული გადაწყვეტილებისთვის უარი ეთქვა პარტიას, ეს იყო მძიმე პოლიტიკური შეცდომა, შემდეგ კი „ქართული ოცნება“ გავიდა ამ შეთანხმებიდან. ამ ქვეყანაში თუ ვინმე არის დეპოლარიზაციის მომხრე, ვართ ჩვენ „ლელო“ , ადამიანები, რომლებიც, არც „ნაციონალური მოძრაობას“ და არც „ქართულ ოცნებას“ წარმოვადგენთ. ხელი მოვაწერეთ შეთანხმებას, რომელიც რომ შესრულებულიყო, კანდიდატის სტატუსი უკვე მიღებული გვექნებოდა“,- განაცხადა სამადაშვილმა.

მან ისაუბრა „დეოლიგარქიცაზიის შესახებ“ კანონზეც, მისი თქმით, „ბოდვაა“, რომ ამ კანონით ოლიგარქიის გავლენის გადაჭრა შეიძლება.

მისი შეფასებით, მიუხედავად ევროკავშირის წარმომადგენლობის მოწოდებისა, „ქართულ ოცნებამ“ მაინც მიიღო დეოლიგარქიზაციის შესახებ კანონი, რაც „ევროპული გზის საბოტაჟია“.

„დღეს ევროკავშირის მისიამ „ქართულ ოცნებას“ ფაქტობრივად უთხრა, რომ ამ კანონის მიღება არ არის დეოლიგარქიზაციის მოთხოვნის შესრულება, ამას ვამბობთ ჩვენც. ბოდვად მიმაჩნია, რომ კანონით შეიძლება ოლიგარქიის გავლენის გადაჭრა. დიახ, როგორც ეს ვენეციის კომისიამ თქვა, ეს არის სისტემური პრობლემა და პოლიტიკურ სისტემას სჭირდება ბევრი მიმართულებით მოგვარება. ეს რომ მოხდეს, ამას პოლიტიკური ნება სჭირდება და ეს პოლიტიკური ნება „ქართულ ოცნებას“ რომ არ აქვს, კიდევ ერთხელ გამოავლინეს, როდესაც თქვეს: „არ გვაინტერესებს თქვენი აზრი და მაინც ვიღებთ კანონს“, - ეს არის ევროპული გზის საბოტაჟი, სხვანაირად ეს ვერ იქნება გაგებული.

ვენეციის კომისიამ თქვა, რომ: „ეს არის პოლიტიკური დევნის ინსტრუმენტი, რომელიც თქვენ შეთითხნეთ, ეს არღვევს ადამიანის უფლებების თაობაზე ევროპულ კონვენციას, არღვევს თქვენს კონსტიტუციას და მოგიწოდებთ, რომ არ მიიღოთ“. „ქართულმა ოცნებამ“ მაინც მიიღო ეს კანონი. შემდეგ დაამატეს ისიც, რომ თუ საჭირო არ იქნება, მაშინ არ ავამოქმედებთო, მაგრამ თუ საჭირო იქნება გაისად ავამოქმედებთო. ამით ევროკავშირს ეუბნებიან, რომ ჩვენ ახლა როგორც ვართ: კორუმპირებული, მურუსიძის სასამართლოთი, ბუტაფორიად გადაქცეული პარლამენტით, გაუქმებული ინსტიტუციებით და არარსებული დემოკრატიული სისტემით, ასეთი „ჭუჭყიანები“ მიგვიღეთ. იმის ნაცვლად, რომ თავის საქმეს აკეთებდნენ, ფიქრობენ გზებზე თუ როგორ დააშანტაჟონ ევროკავშირი“, - განაცხადა სამადაშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე