გორის მუნიციპალიტეტის სოფელ ბოშურში, სადაც 14 ივნისს უხვმა ნალექმა პრობლემები შექმნა, გაწმენდითი და აღდგენითი სამუშაოები დილიდან აქტიურად მიმდინარეობს.

გორის მერიის ცნობით, ადგილზე მობილიზებულია ყველა საჭირო ტექნიკა. უკვე აღდგენილია ელექტროგადამცემი ხაზიც.

გუშინ საღამოს ბოშურში ხევიდან მოვარდნილმა წყალმა და ადიდებულმა მდინარემ გზის სავალი ნაწილი დააზიანა. ადგილზე იმყოფებოდნენ გორის მერის პირველი მოადგილე ნიკა ღვინიაშვილი და შესაბამისი სამსახურების წარმომადგენლები.

ამ ეტაპზე ადგილობრივ მოსახლეობასა და საცხოვრებელ სახლებს საფრთხე არ ემუქრება.