გურჯაანის მუნიციპალიტეტში სტიქიას ებრძვიან. დატბორილია გზები და ავტომობილები, დაისეტყვა რამდენიმე სოფელი.

უხვი ნალექის გამო მდინარეები - ახტალისხევი და ნავთისხევი ადიდდა, წყალმა კალაპოტი გაარღვია. რამდენიმე ცენტრალურ ქუჩაზე წყალი მოედინება.

დატბორილია ავტომობილები, საცხოვრებელი სახლების პირველი სართულები და ეზოები.

მუნიციპალიტეტში სტიქიის შედეგად დაზარალადა რამდენიმე სოფელიც. სეტყვამ ვენახები და ხეხილის ბაღები გაანადგურა.

როგორც "ინტერპრესნიუსს" შს სამინისტროს საგანგებო სიტუაციების სამსახურში განუცხადეს, შესულია ათობით შეტყობინება და ადგილზე შესაბამისი ტექნიკა მუშაობს.