მიმდინარე წლის 15 ივნისს ქუთაისის საერთაშორისო უნივერსიტეტში რეგიონული უნივერსიტეტების რექტორთა კონფერენციის შეხვედრა გაიმართა, სადაც კონფერენციის საერთო კრების გადაწყვეტილებით, გორის სახელმწიფო უნივერსიტეტის რექტორი, პროფესორი გიორგი სოსიაშვილი რიგით მეორე ვადით, აირჩიეს კონფერენციის თავმჯდომარედ. ამის შესახებ ინფორმაციას გორის სახელმწიფო უნივერსიტეტი ავრცელებს.
„გორის სახელმწიფო უნივერსიტეტის სტუდენტების, აკადემიური და ადმინისტრაციული პერსონალის სახელით ბატონ გიორგი სოსიაშვილს ვუსურვებთ წარმატებულ და ნაყოფიერ საქმიანობას რეგიონული უნივერსიტეტების რექტორთა კონფერენციის თავმჯდომარის რანგში!“ - ნათქვამია ინფორმაციაში.
