პაატა მანჯგალაძე ლევან ბერძენიშვილზე მომხდარ თავდასხმაზე - ამ ყველაფრის დამკვეთი არის ბიძინა ივანიშვილი, ორგანიზატორი კი - ირაკლი კობახიძე და ირაკლი ღარიბაშვილი

ამ ყველაფრის დამკვეთი არის ბიძინა ივანიშვილი, ორგანიზატორი კი - ირაკლი კობახიძე და ირაკლი ღარიბაშვილი, - ამის შესახებ „სტრატეგია აღმაშენებლის“ დეპუტატმა პაატა მანჯგალაძემ განაცხადა, რითაც ლევან ბერძენიშვილზე, ასევე ბოლო პერიოდში გახშირებულ თავდასხმებს გამოეხმაურა.

მისივე თქმით, ხელისუფლებას ახალგაზრდებისთვის შესათავაზებელი არაფერი აქვს, ამიტომ ქვების და კვერცხების სროლაზე გადავიდა.

„ქვას რომ ისვრი და კვერცხს, ევროკავშირის დროშას რომ დაწვავ და თან იძახი, რომ ევროპა გარყვნილია, ამ დროს კი ღვთისმშობლის და ქრისტიანობის სიმბოლოა ის დროშა, ყველაფრის ღირსი ხარ, შენზე რაც შეიძლება ადამიანმა თქვას. დასვით ეს ადამიანები დებატებში ლევან ბერძენიშვილთან, მაგალითად, „იმედზე“, მაგარი სანახავი იქნება. ამ ყველაფრის უკან, დამკვეთი არის ბიძინა ივანიშვილი, ხოლო ქვების სროლის ორგანიზატორი არის ირაკლი კობახიძე და ირაკლი ღარიბაშვილი. ვერაფერს სთავაზობენ ახალგაზრდებს, ყველა ამ ტიპის დისკუსიებში დამარცხდნენ და გადავიდნენ ქვების და კვერცხების სროლაზე“, - განაცხადა მანჯგალაძემ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა