კავკასიის საერთაშორისო უნივერსიტეტი ზაფხულის სკოლაში აცხადებს მიღებას თემაზე: „სამშვიდობო პოლიტიკა და ნდობის აღდგენა ოკუპირებულ რეგიონებთან“.

კავკასიის უნივერსიტეტის ინფორმაციით, პროექტში მონაწილეობის მიღება შეუძლია ნებისმიერი უნივერსიტეტის ბაკალავრიატისა და მაგისტრატურის საფეხურის სტუდენტს.

სკოლის განხორციელების პერიოდია 3-8 ივლისი, ხოლო რეგისტრაციის ბოლო ვადა - 25 ივნისი.

ლექციები ჩატარდება კავკასიის საერთაშორისო უნივერსიტეტში, მის: თბილისი, ჩარგლის ქ. 73.

პროექტის შესახებ დეტალური ინფორმაციისა და რეგისტრაციისთვის ეწვიეთ ბმულს: t.ly/jt2T