მარინე გვიანიძე - აჭარა ტურისტულ სეზონს ვიზიტორთა  სიმრავლითა და სიახლეებით ხვდება

საინტერესო, შთამბეჭდავი და ყოვლისმომცველი, - ასე შეაფასა აჭარის უმაღლესი საბჭოს საფინანსო-საბიუჯეტო და ეკონომიკურ საკითხთა კომიტეტის თავმჯდომარემ, მარინე გვიანიძემ ტურიზმისა და კურორტების დეპარტამენტის ხელმძღვანელის ანგარიში.

აჭარის უმაღლესი საბჭოს ცნობით, თინათინ ზოიძე, კომიტეტის სხდომაზე, 2022 წლის საქმიანობის ანგარიშითა და მიმდინარე ტურისტული სეზონის შესახებ ინფორმაციით წარსდგა.

მომხსენებლის განცხადებით, ტურიზმის აღდგენის დინამიკა რეგიონში პოსტპანდემიური და გლობალური გამოწვევების ფონზე უპრეცედენტოა.

„პრიორიტეტების, შესაბამისი სერვისების, პროდუქტების, ინფრასტრუქტურული და სხვა მნიშვნელოვანი პროექტების შესახებ ინფორმაციის წარდგენის შემდეგ, თინათინ ზოიძემ, საერთაშორისო მასშტაბით განხორციელებულ, მიმდინარე და დაგეგმილ ღონისძიებებზე გაამახვილა ყურადღება, უპასუხა კანონმდებელთა შეკითხვებს. წარმოდგენილი ანგარიში და ინფორმაცია კომიტეტის წევრებმა ცნობად მიიღეს.

სხდომაზე მხარი დაუჭირეს საფინანსო-საბიუჯეტო და ეკონომიკურ საკითხთა კომიტეტის საკონსულტაციო საბჭოს შექმნას, რომელიც ამ ეტაპზე, „ტურიზმის შესახებ“ კანონის ახალ პროექტზე იმუშავებს. 12-წევრიან საბჭოში, კომიტეტის წევრებთან ერთად, ტურიზმის სფეროს სპეციალისტები და ექსპერტები ერთიანდებიან. კომიტეტმა ერთხმად დაამტკიცა საკონსულტაციო საბჭოს დებულება და მისი შემადგენლობა. სხდომის დასრულების შემდეგ, გაიმართა პირველი სამუშაო შეხვედრა, რომელსაც ამავე საბჭოს თავმჯდომარე - მარინე გვიანიძე უძღვებოდა“,-აღნიშნულია აჭარის უმაღლესი საბჭოს მიერ გავრცელებულ ინფორმაციაში.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ქართული პრესის მიმოხილვა 15.04.2024
არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია