რიკოთის უღელტეხილზე უბისის მონაკვეთზე მდინარეში მამაკაცის ცხედარი იპოვეს.

არსებული ინფორმაციით მამაკაცი მშენებარე ხიდიდან გადავარდა და წყალმა წაიღო. თვითმხილველების ცნობით, კაცი დინებამ გაიტაცა და შემთხვევის ადგილიდან დაახლოებით 5 კილომეტრში, შროშას მიმდებარე ტერიტორიაზე ნახეს.

ვრცელდება ინფორმაცია, რომ კაცი ტერიტორიაზე მიმდინარე სამუშაოებზე იყო დასაქმებული.

მამაკაცს 24 საათის განმავლობაში ეძებდნენ.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება საქართველოს სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.