ბათუმის სახელმწიფო უნივერსიტეტის იურიდიული ფაკულტეტი 30 წლისაა

ბათუმის შოთა რუსთველის სახელმწიფო უნივერსიტეტში იურიდიული ფაკულტეტის 30 წლის იუბილე საზეიმოდ აღინიშნა.

უნივერსიტეტის ინფორმაციით, იურიდიული და სოციალურ მეცნიერებათა ფაკულტეტის დეკანმა ლევან ჯაყელმა ღონისძიებაზე ფაკულტეტის მიღწევებსა და ისტორიაზე ისაუბრა.

მათივე ცნობით, ბსუ-ს რექტორმა, პროფესორმა მერაბ ხალვაშმა ფაკულტეტს იუბილე მიულოცა და იურიდიული მიმართულების განვითარებაში შეტანილი განსაკუთრებული წვლილისათვის უნივერსიტეტის საპატიო ჯილდო - შოთა რუსთველის სახელობის მედალი გადასცა.

„ფაკულტეტს საიუბილეო თარიღი მიულოცეს, წარმატებები უსურვეს და სამახსოვრო საჩუქრები გადასცეს აჭარის ა.რ. უმაღლესი საბჭოს თავმჯდომარემ დავით გაბაიძემ, აჭარის ა.რ. განათლების, კულტურისა და სპორტის მინისტრმა მაია ხაჯიშვილმა, კურსდამთავრებულებმა, სხვადასხვა უმაღლესი საგანმანათლებლო დაწესებულებების, ბიზნეს სექტორისა და საზოგადოების წარმომადგენლებმა, პროფესორ-მასწავლებლებმა და სტუდენტებმა.

საიუბილეო საღამოზე იურიდიული და სოციალურ მეცნიერებათა ფაკულტეტის დეკანმა ლევან ჯაყელმა ფაკულტეტის განვითარებაში შეტანილი წვლილისათვის მადლობის სიგელები გადასცა სამთავრობო და არასამთავრობო ორგანიზაციების, პარტნიორი ქართული და უცხოური უნივერსიტეტების წარმომადგენლებს, პროფესორ-მასწავლებლებს, სტუდენტებს, კურსდამთავრებულებსა და თანამშრომლებს.

სტუდენტთა პირველი ნაკადი ბსუ-ს სამართლის პროგრამაზე 1991 წელს ჩაირიცხა და ამჟამად, ბსუ-ს იურიდიული ფაკულტეტის კურსდამთავრებულთა რაოდენობა 3 000 აღემატება, რომელთაგან 400 სამაგისტრო პროგრამაზე სწავლობდა. ბსუ-ს სამართლის პროგრამების კურსდამთავრებულთა დასაქმების მაჩვენებელი საქართველოში ერთ-ერთი საუკეთესოა. ფაკულტეტს უკვე ათობით საერთაშორისო პარტნიორი ჰყავს და ინტენსიურად არის ჩართული საერთაშორისო აქტივობებში”, - ნათქვამია უნივერსიტეტის მიერ გავრცელებულ ინფორმაციაში.

ბათუმის სახელმწიფო უნივერსიტეტის ცნობით, 24-25 ივნისს უნივერსიტეტი ბსუ-თან პარტნიორობით ორგანიზებულ, იუბილესადმი მიძღვნილ საჯარო სამართლის საერთაშორისო საზოგადოების (ICON•S საქართველოს) სამეცნიერო კონფერენციას „თანამედროვე საჯარო სამართლის გამოწვევები" უმასპინძლებს.

„24-25 ივნისს უნივერსიტეტი უმასპინძლებს ბსუ-თან პარტნიორობით ორგანიზებულ, იუბილესადმი მიძღვნილ საჯარო სამართლის საერთაშორისო საზოგადოების (ICON•S საქართველოს) სამეცნიერო კონფერენციას „თანამედროვე საჯარო სამართლის გამოწვევები".

კონფერენციაში მონაწილეობს 100-ზე მეტი მომხსენებელი ქართული და უცხოური უნივერსიტეტიდან, გაიმართება 4 პლენარული სესია მოწვეულ უცხოელ და ქართველ ექსპერტებთან ერთად, 24 თემატური პანელური სესია, წიგნის პრეზენტაცია და წიგნების გამოფენა.

კონფერენცია იმართება ბათუმის შოთა რუსთაველის სახელმწიფო უნივერსიტეტის, USAID-ის სამართლის უზენაესობის პროგრამის და აჭარის ა.რ. განათლების, კულტურისა და სპორტის სამინისტროს ფინანსური მხარდაჭერით.

ICON•S საქართველო არის გლობალური აკადემიური ორგანიზაცია, რომელიც საქართველოში გასული წლიდან ჩამოყალიბდა და აერთიანებს საქართველოს სხვადასხვა უნივერსიტეტის, მათ შორის ბსუ-ს აკადემიურ პერსონალს. ICON•S-ის მიზანია, ხელი შეუწყოს საჯარო სამართლის განვითარებას საქართველოში, კვლევითი საქმიანობის პოპულარიზაციას და საერთაშორისო აკადემიური თანამშრომლობის გაძლიერებას”, - აღნიშნულია გავრცელებულ ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე