ბათუმში მეზღვაურთა საერთაშორისო დღე აღინიშნება. საზეიმო ცერემონია საზღვაო აკადემიის სტუდენტებმა რუსთაველის ქუჩის გავლით ნავმისადგომისკენ ორკესტრის თანხლებით მსვლელობა მოაწყვეს.

ღონისძიების ფარგლებში საზღვაო დარგის განვითარებაში შეტანილი განსაკუთრებული წვლილისთვის და ზღვაში გამოჩენილი განსაკუთრებული სიმამაცისთვის მამა ილია კარტოზიას ჯილდოს საზღვაო პროფესიის წარმომადგენლებს გადასცემენ.

დღევანდელ ღონისძიებას ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი და ადგილობრივი მთავრობის წარმომადგენლები დაესწრებიან.

ბათუმში მეზღვაურთა საერთაშორისო დღე 2011 წლიდან სხვადასხვა ღონისძიებებით აღინიშნება.