გრიგოლ რობაქიძის სახელობის უნივერსიტეტის ბათუმის წარმომადგენლობაში იმიტირებული სასამართლო პროცესი გაიმართა
გრიგოლ რობაქიძის სახელობის უნივერსიტეტის ბათუმის წარმომადგენლობის სამართლის საბაკალავრო პროგრამის სტუდენტებმა „საარჩევნო სამართლის“ სასწავლო დისციპლინის ფარგლებში ჩაატარეს იმიტირებული სასამართლო სხდომა ადმინისტრაციულ საქმეზე - მოთხოვნა ინდივიდუალურ-ადმინისტრაციული აქტის ბათილად ცნობის შესახებ.
გრიგოლ რობაქიძის სახელობის უნივერსიტეტის ცნობით, სხდომა გაიმართა წარმომადგენლობის იმიტირებულ სასამართლო დარბაზში და მისი მიზანი თეორიულად მიღებული ცოდნის პრაქტიკულად განმტკიცება იყო.
„სასამართლო პროცესში ჩართვით სტუდენტებმა შეიძინეს პრაქტიკული უნარ-ჩვევები, დაეუფლნენ საარჩევნო სამართლის ფუნდამენტურ პრინციპებს, გაეცნენ სარჩევნო სისტემებს, საარჩევნო კანონმდებლობასა და მის აღსრულებას, არჩევნების როლს სამოქალაქო საზოგადოებაში.
სასამართლო პროცესისთვის სტუდენტთა მომზადება უზრუნველყო სამართლის სკოლის მიერ მოწვეულმა სპეციალისტმა, ბათუმის №79 საოლქო საარჩევნო კომისიის თავმჯდომარის მოადგილემ, დავით თოდრიამ.
სხდომას ესწრებოდა ბათუმის წარმომადგენლობის ხელმძღვანელი, ამირან მესხიშვილი“, - ნათქვამია ინფორმაციაში.
v-if="article.gallery" v-html="article.gallery"
