ვინც, სალომე ზურაბიშვილს მიანიშნა, რომ ნიკა გვარამია შესაწყალებელი იყო, მას საქართველოში პოლარიზების გაღვივება სურს, - ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
„ჩვენთვის ეს არის ძალიან ცუდი ნიშანი. რატომ სურთ ამ ძალებს საქართველოში პოლარიზაციის გაღვივება, ამაზე საზოგადოებამ უნდა იმსჯელოს, თუმცა თავისთავად ეს არის ძალიან სამწუხარო ნიშანი“, - განაცხადა კობახიძემ.
კითხვაზე, თუ როგორ შეაფასებს „მთავარი არხის“ ერთ-ერთი დამფუძნებლის, ნიკა გვარამიას პოლიტიკაში შესაძლო დაბრუნებას, კობახიძე ასე პასუხობს:
„გვარამიას დიდი რესურსი არ აქვს, უბრალოდ, პოლარიზაციას დამატებით შეუწყობს ხელს, ეს არის და ეს“.