ბორჯომის მუნიციპალიტეტის სოფელ ყვიბისში მამათა მონასტრის ბერის საყდრებთან მისასვლელი გზის რეაბილიტაცია უახლოეს დღეებში დაიწყება.

ამის შესახებ ინფორმაციას ბორჯომის მერია ავრცელებს.

მათივე ცნობით, პროექტი ორ ეტაპად განხორციელდება, პირველ ეტაპზე გზის 600-მეტრიან მონაკვეთზე არმირებული ბეტონის საფარი მოეწყობა.

„გზის სარეაბილიტაციო სამუშაოები ადგილობრივი და ცენტრალური ბიუჯეტიდან ფინანსდება და სამუშაოებს შპს „არალი" განახორციელებს.

პროექტის მიზანია, ტურისტული ინფრასტრუქტურის მოწესრიგება, რაც რეგიონში ტურიზმის განვითარებისთვის ხელსაყრელ პირობებს შექმნის“, - აღნიშნულია გავრცელებულ ინფორმაციაში.