ბათუმის საკრებულოს სხდომაზე ოპოზიციონერმა დეპუტატებმა ბათუმში რუსულენოვანი კაფე-ბარებისა და სალონების გახსნა გააპროტესტეს.

ოპოზიციის წევრების თქმით, კანონის მიღმა სხვადასხვა საგანმანათლებლო სივრცეები იქმნება, რაც მიუღებელია.

„ქალაქის ხელისუფლებას კონკრეტული წვდომა არ აქვს, თუმცა მოქმედი სკოლა ექვემდებარება რემონტს. კატასტროფული მდგომარეობაა კაფე-ბარები რუსულ ენაზე იხსნება. სარეკლამო ფლაერებზეც არ არის ქართული ენა დატანილი. ფაქტობრივად, ეკონომიური ოკუპაცია მიმდინარეობს”, - განაცხადეს ოპოზიციის წარმომადგენლებმა.

ასევე „ერთიანი ნაციონალური მოძრაობის” წევრმა რეზო ხარაზმა “ქართული ოცნების” წევრებს მიმართა და განაცხადა, რომ საკრებულოს წევრს ბათუმის მერია საჯარო ინფორმაციას არ აწვდის.

რეზო ხარაზის თქმით, ქალაქში არსებულ ქაოსურ მშენებლობებსა და სხვა ინფრასტრუქტურულ პრობლემებზე შეკითხვები აქვთ. საკრებულოს წევრები დღის წესრიგით გათვალისწინებულ 14 საკითხს განიხილავენ.

"ბათუმის მერმა ვინმე ბექაია შპს “წყალკანალის” დირექტორის მოადგილედ, საიდან დანიშნა და რატომ დანიშნა მისი ძმაკაცი? არჩილ ჩიქოვანმა 203 000 ათასი ლარი რატომ გადაიხადა ავტომობილებში, სანდასუფთავების ფულით რატომ იყიდა ავტომობილები? ვითხოვთ ინფორმაციას, რადგან კატასტროფული მდგომარეობაა ტურიზმის მიმართულებით.

ვხედავთ დამოკიდებულებას საკრებულოს წევრების მხრიდან. ბათუმის მერია სუს-ის შენობა გახდა”,- განაცხადა რეზო ხარაზმა.