თეთრი სახლი დონეცკის ოლქის ქალაქ კრამატორსკის სარაკეტო დაბომბვას ეხმაურება და აცხადებს, რომ გმობს რუსეთის „სასტიკ დარტყმებს“. ინფორმაციას Reuters-ი ავრცელებს.
„ჩვენ ვგმობთ რუსეთის სასტიკ დარტყმებს უკრაინელი ხალხის წინააღმდეგ, რომლებმაც მასობრივი სიკვდილი და ნგრევა გამოიწვიეს“, - განაცხადა აშშ-ს ეროვნული უსაფრთხოების საბჭოს წარმომადგენელმა ჯონ კირბიმ.
მისივე თქმით, აშშ გააგრძელებს უკრაინის მხარდაჭერას, იარაღის და აღჭურვილობის მიწოდებას რუსული აგრესიისგან თავდასაცავად.
