აჭარის უმაღლესი საბჭოს თავმჯდომარემ, დავით გაბაიძემ მუსლიმ მრევლს უდიდესი საღვთო დღესასწაული - ყურბან-ბაირამი მიულოცა.

ინფორმაციას აჭარის ავტონომიური რესპუბლიკის უმაღლესი საბჭო ავრცელებს.

მათივე ინფორმაციით, საკანონმდებლო ორგანოს თავმჯდომარე, ბათუმის ორთა ჯამეში, აჭარის მთავრობის თავმჯდომარე თორნიკე რიჟვაძესთან და ხელისუფლების სხვა წარმომადგენლებთან ერთად მივიდა და სადღესასწაულო ლოცვას დაესწრო.

ყურბან-ბაირამი მუსლიმანური სამყაროს უდიდესი დღესასწაულია. იგი მოძრავია და მარხვის დასრულებიდან 70-ე დღეს აღინიშნება. ამ დღეს მორწმუნეები ღმერთს პირუტყვს სწირავენ და ხორცს ქველმოქმედების მიზნით არიგებენ.