გორის მერია - ვლადიმერ ხინჩეგაშვილი პროექტის „აქტიური ცხოვრება ჩემი სტიქიაა“ ფარგლებში გამართულ ინტეგრირებულ ჩემპიონატებში გამარჯვებულ მონაწილეებს და აღნიშნული პროექტის ორგანიზატორს შეხვდა

გორის მუნიციპალიტეტის მერი, ვლადიმერ ხინჩეგაშვილი პროექტის „აქტიური ცხოვრება ჩემი სტიქიაა“ ფარგლებში გამართულ ინტეგრირებულ ჩემპიონატებში გამარჯვებულ გორელ მონაწილეებს და აღნიშნული პროექტის ორგანიზატორს ახალგაზრდული მედიაკავშირის თავმჯდომარეს ხატია გავაშელს შეხვდა. ამის შესახებ ინფორმაციას გორის მუნიციპალიტეტის მერია ავრცელებს.

„პროექტის გორელმა მონაწილეებმა მშობლიურ ქალაქში 3 გარდამავალი თასი ჩამოიტანეს. მათ ორი თასი გუნდურ, ერთი კი ინდივიდუალურ შეჯიბრებაში მოიპოვეს.

გუნდური წარმატებები: აფხაზეთის ომის გმირის, გოდერძი ზაქარაიას სახელობის ჯომარდობის ინტეგრირებული ჩემპიონატი, ბოულინგის ინტეგრირებული ჩემპიონატი.

ინდივიდუალური წარმატება მინი გოლფის ინტეგრირებული ჩემპიონატი, გამარჯვებული გიორგი მოდებაძე.

ვლადიმერ ხინჩეგაშვილმა გამარჯვებულებს წარმატება მიულოცა და სიგელები გადასცა.

მერმა ახალგაზრდული მედიაკავშირის თავმჯდომარეს ხატია გავაშელს მადლობა გადაუხადა აღნიშნული პროექტის განხორციელებისთვის და გორის მუნიციპალიტეტის მერიასთან წარმატებული თანამშრომლობისთვის სიგელი გადასცა. გორის მუნიციპალიტეტის მერიის თანადაფინანსებული პროექტი „აქტიური ცხოვრება ჩემი სტიქიაა“ გრძელდება სხვადასხვა აქტივობით.

პროექტს ტრადიციული ხასიათი აქვს. ის ხელს უწყობს გაეროს 2006 წლის შეზღუდული შესაძლებლობის მქონე პირთა უფლებების დაცვის კონვენციის 30-ე მუხლის იმპლემენტაციას და მისი აღსრულების ხელშეწყობით შშმ პირთა საზოგადოებაში თანაბარუფლებრივი მდგომარეობის დამკვიდრებას. პროექტის მხარდამჭერი და სპონსორია ქუთაისის საერთაშორისო უნივერსიტეტი“,- აღნიშნულია ინფორმაციაში.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა