რომან გოცირიძე - საქართველო რუსეთის მხარდამჭერია ე.წ. პარალელური იმპორტით სანქცირებული ტვირთების მიწოდებისას და ამას რომ საჯაროდ არ აცხადებენ, არ ნიშნავს, რომ არასაჯარო საუბრებში ეს აღნიშნული არ იყო

საქართველო რუსეთის მხარდამჭერია ე.წ. პარალელური იმპორტით სანქცირებული ტვირთების მიწოდებისას და ამას რომ საჯაროდ არ აცხადებენ, არ ნიშნავს, რომ არასაჯარო საუბრებში ეს აღნიშნული არ იყო, - ამის შესახებ ოპოზიციონერმა დეპუტატმა რომან გოცირიძემ ჟურნალისტებთან განაცხადა, რითაც გამოეხმაურა სანქციების საკითხებში ევროკავშირის წარმომადგენლის დევიდ ო'სალივანის, ამერიკის სახელმწიფო დეპარტამენტის სანქციების კოორდინატორის ჯიმ ო’ბრაიენის და ბრიტანეთის საგარეო, თანამეგობრობის და განვითარების ოფისის გენერალური დირექტორის კუმარ აიერის ვიზიტს.

როგორც მან აღნიშნა, თუ სტატისტიკურ მონაცემებს გადავხედავთ, ყველაფერი ნათელია.

"სანქციებზე მომუშავე ჯგუფის საქართველოში ჩამოსვლას წინ უძღოდა ამავე ჯგუფის ხელმძღვანელის და ასევე სხვა მაღალი თანამდებობის პირების განცხადებები, რომლებიც ერთმნიშვნელოვნად ამბობდნენ, რომ რუსეთს სანქციების გვერდის ავლაში ეხმარება საქართველო, თურქეთი, სომხეთი, არაბთა გაერთიანებული საემიროები და ყაზახეთი. ჩავიდნენ იქ, სადაც არსებობდა ეჭვი. დღეს უკვე ისინი სომხეთში იმყოფებიან. რატომ არ ჩადიან ლატვიაში ან ლიეტუვაში ან ესტონეთში?

თუ სტატისტიკას გადავხედავთ ამაში ყველაფერი ჩანს. წარმოუდგენლად არის გაზრდილი იმპორტი სომხეთში, ასევე სომხეთიდან რუსეთში. ისევე როგორც საქართველოდან დსთ-ს იმ ქვეყნებში, სადაც რუსეთს აქვს თავისუფალი სავაჭრო რეჟიმი. საოცარი რამ ხდება, გაქრა საქართველოს საერთაშორისო პარტნიორობის რუკიდან ისეთი ქვეყნები, რომლებიც იყვნენ პირველ ათეულში, მაგალითად ჩინეთი და აშშ, თურქეთიც კი. ექსპორტის მხრივ, ნომერ პირველი ქვეყანა საქართველოსთვის სომხეთი გახდა. საქართველოს ტერიტორია თურქეთიდან და ასევე ზღვით არის გამოყენებული რუსეთისთვის საქონლის მისაწოდებლად.

ის ფაქტი, რომ ამ საკითხზე იყვნენ ჩამოსული და ის, რომ საჯაროდ არ აცხადებენ, რომ საქართველო არის რუსეთის მხარდამჭერი ამ ე.წ პარალელური იმპორტით სანქცირებული ტვირთების მიწოდებისას სულაც არ ნიშნავს იმას, რომ არასაჯარო საუბრებში ეს აღნიშნული არ იყო. თუკი ეს საჯაროდ ითქმებოდა ამას მოჰყვებოდა ძალიან მძიმე რეაქცია, ქვეყანა დაზიანდებოდა და ქვეყანა აღმოჩნდებოდა სანქციების ქვეშ",- განაცხადა გოცირიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 15.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე