ირაკლი ღარიბაშვილი რომან გოცირიძეს - თქვენმა განადგურებულმა ბელადმა, სააკაშვილმა დაკარგა ქართველობა, საკუთარი ნებით - გესმით, რამხელა უბედურება და ტრაგედიაა?

მე შეგახსენებთ, ვინ დაკარგა ქართველობა, თქვენმა განადგურებულმა ბელადმა, სააკაშვილმა დაკარგა ქართველობა, საკუთარი ნებით, - ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტში განაცხადა, რითაც დეპუტატ რომან გოცირიძის კითხვას უპასუხა იმის შესახებ, კარგავენ თუ არა ქართველები ქართველობას.

ირაკლი ღარიბაშვილის განცხადებით, საქართველოს მესამე პრეზიდენტმა, მიხეილ სააკაშვილმა ოდესის გუბერნატორობისთვის საქართველოს მოქალაქეობა დათმო, რითაც ქართველობა დაკარგა.

რომან გოცირიძემ ვითომ ძალიან ჩამჭრელი კითხვა დამისვა, რომ ქართველები კარგავენ ქართველობასო? - კაცი ამას რომ მეტყვის, რა უნდა ელაპარაკო საერთოდ? მე შეგახსენებთ, ვინ დაკარგა ქართველობა, თქვენმა განადგურებულმა ბელადმა, სააკაშვილმა დაკარგა ქართველობა, საკუთარი ნებით. კაცი პრეზიდენტი იყო 9 წელი, წავიდა უკრაინაში და ოდესის გუბერნატორობის პოსტის გამო დათმო საკუთარი მოქალაქეობა, ქართველობა. აი, ვინ დაკარგა ქართველობა. თქვენნაირები კარგავენ ქართველობას, ბატონო რომან. სხვებზე რომ ლაპარაკობთ, რეაქცია უნდა გქონოდათ თქვენს ბელადზე. სააკაშვილი ერთ-ერთ სასამართლო სხდომაზე გამოვიდა უკრაინულ ენაზე და მოითხოვა თარჯიმანი, გესმით, რამხელა უბედურება და ტრაგედიაა? და ეს მეკითხება ახლა, ქართველობას კარგავენ ქართველებიო?“, - განაცხადა ირაკლი ღარიბაშვილმა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა