ქუთაისში, მთავრობის ადმინისტრაციის ორგანიზებით, ზაფხულის მუსიკალური საღამო გაიმართა.

ქუთაისის მერიის ცნობით, ქალაქის ცენტრალურ ბულვარში საბავშვო და მუსიკალური ღონისძიებები ჩატარდა. მოეწყო ადგილობრივი მეწარმეების პროდუქციის გამოფენა-გაყიდვა.

„პატარების განწყობაზე ანიმატორებმა იზრუნეს. საღამო ქართული ესტრადის ვარსკვლავების კონცერტით დასრულდა, რომელშიც "ქუჩის ბიჭები", ნინი ქარსელაძე, თამუნა ამონაშვილი და თიკა ჯამბურია მონაწილეობდნენ.

საქართველოს მთავრობის ადმინისტრაციის ორგანიზებით, საქართველოს 64 მუნიციპალიტეტში, ყოველ შაბათ-კვირას პროექტი "მუსიკალური საღამოები" იმართება“,- აღნიშნულია ინფორმაციაში.