სოზარ სუბარი - თურმე ინსტიტუტების მიზანმიმართული დასუსტება ყოფილა ის, რომ ვაძლიერებთ ინსტიტუტს, რომლის გამართულ ფუნქციონირებაზე დამოკიდებულია არჩევნების ბედი და სტაბილურობა ქვეყანაში

საპარლამენტო რესპუბლიკაში, სადაც ყველაზე მაღალი ლეგიტიმაციის ორგანო არის ხალხის მიერ არჩეული პარლამენტი და პარლამენტს უფლებამოსილებას უზრდი, ეს ყოფილა თურმე ინსტიტუტების მიზანმიმართული დასუსტება , - ამის შესახებ „ხალხის ძალის“ ერთ-ერთმა ლიდერმა სოზარ სუბარმა პარლამენტის პლენარულ სხდომაზე, ცესკო-ს არჩევის წესზე მსჯელობისას განაცხადა.

მისი თქმით, ოპოზიციას ან მართლა არ ესმის ამ საკითხის მნიშვნელობა, ან სურს, რომ ქვეყანაში მუდმივად იყოს არეულობის კერა და ვერ მოხერხდეს არჩევნების მშვიდ გარემოში ჩატარება.

„დისკუსია მიდის ისე, რომ ზოგჯერ მართლა ვფიქრობ, ადამიანები ვერ ხვდებიან, რაზე ვსაუბრობთ. ამ შემთხვევაში, ოპოზიციას ვგულისხმობ, რადგან საუბრობენ ინსტიტუტების მიზანმიმართულ დასუსტებაზე, ე.ი. საპარლამენტო რესპუბლიკაში, სადაც ყველაზე მაღალი ლეგიტიმაციის ორგანო არის ხალხის მიერ არჩეული პარლამენტი და პარლამენტს რომ უფლებამოსილებას უზრდი, ეს ყოფილა თურმე ინსტიტუტების მიზანმიმართული დასუსტება.

აქ აღსანიშნავია, თუ რატომ ხდება უფლებამოსილების გაზრდა. ეს ხდება იმიტომ, რომ თავიდან ავიცილოთ პერმანენტული კრიზისი და უბრალოდ ის უმნიშვნელოვანესი ორგანო, რომლის არსებობასა და გამართულ ფუნქციონირებაზე არის დამოკიდებული არჩევნების ბედი და ისიც, საერთოდ იქნება თუ არა ქვეყანაში სტაბილურობა (ვგულისხმობ ცენტრალურ საარჩევნო კომისიას), მისი არჩევის დროს რომ გამოვრიცხოთ ხარვეზები, ამისთვის ნორმალური, გამართული ინსტიტუტის და ნორმალური კანონის შემოღება, ისეთი კანონის, როგორიც არის ყველა ცივილიზებულ ქვეყანაში, თურმე ეს ყოფილა ინსტიტუტების მიზანმიმართული დასუსტება. ეს ნიშნავს, რომ ადამიანებს ან საერთოდ არ ესმით, რა არის პარლამენტი, არ ესმით, რა არის დემოკრატია, ან უბრალოდ სურთ, ქვეყანაში იყოს მუდმივი, პერმანენტული კრიზისი და რაღაცნაირად ვერ მოხერხდეს ამ ქვეყანაში ერთხელ და სამუდამოდ, მშვიდად არჩევნების ჩატარება და ცხოვრების მშვიდ კალაპოტში მოქცევა“, - განაცხადა სოზარ სუბარმა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა