ლევან ხაბეიშვილი - რუსული პარტიის და „კაგებეშნიკი“ კობახიძის ამოცანაა, კანდიდატის სტატუსი არ მივიღოთ - ევროკომისიის 12 რეკომენდაციიდან მხოლოდ 3 შესრულდა

რუსული პარტიის და „კაგებეშნიკი“ კობახიძის ამოცანაა, კანდიდატის სტატუსი არ მივიღოთ, - ამის შესახებ „ერთიანი ნაციონალური მოძრაობის“ თავმჯდომარე, ლევან ხაბეიშვილმა ჟურნალისტებს განუცხადა.

როგორც მან აღნიშნა, ევროკომისიის 12 რეკომენდაციიდან მხოლოდ 3 შესრულდა.

„12 რეკომენდაციიდან შესრულებულია 3, დანარჩენი 9 შეუსრულებელია. ჩვენდა სამწუხაროდ, დანარჩენ ცხრაზეც ამბობენ, რომ წარმატებით არ მიმდინარეობს. ასევე, მნიშვნელოვანია, რომ საბოტაჟს აწარმოებს რუსული პარტია კანდიდატის სტატუსთან დაკავშირებით და ჩვენ ეს ამ გზაზე ვნახეთ, თუნდაც რუსული კანონით, რომელიც მათ შემოიტანეს და შემდეგ ახალგაზრდების „მეცადინეობით“ მოუწიათ ამ ყველაფრის უკან წაღება. ასევე მნიშვნელოვანია, რომ „ნაციონალური მოძრაობა“ არის მთავარი ლობისტი ქვეყნის გარეთ და ქვეყნის შიგნით ჩვენს ევროპელ პარტნიორებთან კანდიდატის სტატუსის საკითხზე, რომ არ დაისაჯოს საქართველოს მოქალაქე, რუსი ოლიგარქის, ბიძინა ივანიშვილის და მისი კრიმინალური რეჟიმის გამო, თუმცა, ცხადია, აბსოლუტურად მესმის ჩვენი ევროპელი კოლეგების, რომლებიც ამბობენ: სასამართლო არ გაქვთ, ოლიგარქიული ხელისუფლებაა, პოლიტიკური პატიმრები ჰყავთ, მედიას თავს ესხმიან და ჩვენ ეს მიშა მშვილდაძესთან მიმართებით ვნახეთ. შესაბამისად, რუსული პარტიის და „კაგებეშნიკი“ კობახიძის ამოცანაა, ეს სტატუსი არ მივიღოთ. ისინი ყველაფერს გააკეთებენ, რომ კანდიდატის სტატუსი არ მივიღოთ“, - განაცხადა ხაბეიშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება