ადგილობრივები არ გამორიცხავენ, რომ ველისციხეში მომხდარი მკვლელობის მოტივი შურისძიება ყოფილიყო

ადგილობრივების განცხადებით, ველისციხეში მომხდარ მკვლელობას წინ დაპირისპირება უძღოდა.

აღნიშნულის კონტექსტში, მეზობლები არ გამორიცხავენ, რომ შემთხვევის მოტივი შურისძიება ყოფილიყო.

„როგორც ამბობენ, შემთხვევამდე ეს ბიჭი [მკვლელობაში ბრალდებული] სცემეს - დილით ადრე გამოსულან და ერთ-ერთს უცემია. როგორც ჩანს, ეს ბიჭი სახლში ჩავიდა, იარაღი აიღო და დაბრუნდა - მოხდა შურისძიება“, - განაცხადა ერთ-ერთმა ადგილობრივმა.

კიდევ ერთი ადგილობრივის თქმით, უშუალო მკვლელობის მომენტამდე შეკამათების ან დაპირისპირების ხმა არავის გაუგია.

„არავითარი შეკამათება არ ყოფილა. ისინი, ვინც დაღუპული არიან, ისეთები არიან, რომ კონფლიქტი არ შეიძლება ყოფილიყო. თვითონ ამასაც მათთან არავითარი ურთიერთობა, შეხება, ამხანაგობა არ ჰქონია. სულ სხვა კატეგორია ხალხია ისინი და ეს სხვა კატეგორიის ბიჭია. გუშინ საღამოს ვნახე ეს ბიჭი, მომიკითხა, როგორ ბრძანდებითო. რა იყო მიზეზი, ალბათ, ვინც ადგილზე შეესწრო, იმას ეცოდინება“, - განაცხადა კიდევ ერთმა ადგილობრივმა.

ცნობისთვის, გურჯაანის მუნიციპალიტეტის სოფელ ველისციხეში მკვლელობა დღეს მოხდა. ახალგაზრდა მამაკაცმა ორი მეზობელი ცეცხლსასროლი იარაღით მოკლა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო