Oxygen  Fest-ის ფარგლებში რუსთავში ,,კინო დღეები 2023“ ტარდება

რუსთავში, ფესტივალ Oxygen-ის ფარგლებში ,,კინოს დღეები 2023’ გაიხსნა.

რუსთავის მერიის ცნობით, რუსთავის ცენტრალურ პარკში, ისტორიული ციხის ტერიტორიაზე მოწყობილი ,,ოქსიგენის“ საფესტივალო სივრცეში, მაყურებელს, ქართული მოკლემეტრაჟიანი და სრულმეტრაჟიანი ფილმების ნახვის შესაძლებლობა სამი დღის განმავლობაში უფასოდ ექნება.

,,კინო დღეები 2023“-ის პირველ დღეს რუსთავის პარკის ღია კინო-თეატრში, რეჟისორ სალომე ვეფხვაძის მოკლემეტრაჟიანი ფილმის „მე, ისინი და მამა“ , ასევე, ილია ასიტაშვილის „სამზადისის“ ჩვენება მოეწყო. ფესტივალის ფარგლებში, 5 ივლისს დავით ფირცხალავას ფილმის “საშლელი“ და ამირან დოლიძის „ცხოველი“, 6 ივლისს კი ,,ოსკარზე“ საქართველოს სახელით წარდგენილი, დათა ფირცხალავას ,,დიდი შესვენება“ იქნება წარმოდგენილი.

,,სამი დღის განმავლობაში გვექნება თანამედროვე ქართველი რეჟისორების ფილმების ჩვენება. პირველი ორი დღე მოკლემეტრაჟიანი ქართული ფილმები, 6 ივლისს კი ,,კინო დღეები 2023“-ის დახურვაზე, დათა ფირცხალავას ,,დიდი შესვენება“ იქნება ნაჩვენები. ამ ფილმის ჩვენება განსაკუთრებით მნიშვნელოვანია იმ კუთხით, რომ წელს საქართველოს სახელით იქნა წარდგენილი ,,ოსკარზე“ და მის მიმართ დიდი ინტერესი არსებობს. ასე, რომ რუსთაველ მაყურებელს საშუალება ექნება, ფილმს ამ არაჩვეულებრივ სივრცეში უყუროს“, - განაცხადა ,,ოქსიგენის“ კინო დღეების ორგანიზატორმა ლევან ლომაშვილმა.

მუსიკალური ფესტივალი „ოქსიგენი” 2022 წელს, ქალაქ რუსთავში დაარსდა. მუსიკალურ დღეებთან ერთად, ორგანიზატორებს სხვადასხვა მიმართულებით საფესტივალო დღეების გამრავალფეროვნების სურვილი გაუჩნდათ, ერთ-ერთი ახალი მიმართულება, რომელიც ,,ოქსიგენს“ წელს დაემატა - ,,კინო დღეებია“.

,,დავიწყეთ კინო დღეები, რომელიც 6 ივლისის ჩათვლით გაგრძელდება. ველოდებით მაყურებელს, მათ ვისაც უყვარს კინო მობრძანდნენ და ღია სივრცეში ისიამოვნონ ქართული საავტორო ფილმებით. ეს იქნება ერთგვარი მომზადება იმისთვის, რომ მომავალი წლებიდან ჩამოყალიბდეს მაღალი დონის საკონკურსო, სხვადასხვა ნომინაციებით დატვირთული კინოფესტივალი. ჩვენ ასევე ნელ-ნელა ვუახლოვდებით ფესტივალის მთავარ მუსიკალურ ნაწილს, რომელიც 7, 8 და 9 ივლისს ჩატარდება“, - განაცხადა ფესტივალ ,,ოქსიგენის“ დამფუძნებელმა ლაშა ნოზაძემ.

Oxygen Fest-ი 1-ელ ივლისს გაიხსნა და 9 ივლისის ჩათვლით გაგრძელდება. ფესტივალის მიზანი, რუსთავში ეკოლოგიურად სუფთა გარემოს შექმნის ხელშეწყობა და პარკის პოპულარიზაცია, ასევე ისეთი საფესტივალო სივრცის მოწყობაა, სადაც ყველა ასაკის ადამიანი დასვენებასთან ერთად, გართობას, საინტერესო მუსიკისა და საყვარელი შემსრულებლების მოსმენას, თევზაობას, გამოფენა-გაყიდვის, სპორტული და გასართობი კუთხეების დათვალიერებას შეძლებს.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე