დიდი მადლობა ყველას, ვინც გუშინ "ვივამედთან" მოვიდა. მე მაძლიერებს თქვენი თანადგომა, გვახსოვდეს, რომ ჩვენ მხარს გვიჭერს უმრავლესობა საქართველოში და მთელი საერთაშორისო თანამეგობრობა რუსეთის გამოკლებით, - ამის შესახებ ნათქვამია მესამე პრეზიდენტის, მიხეილ სააკაშვილის განცხადებაში, რომელიც ყოფილი პრეზიდენტის „ფეისბუქ“ გვერდზე ვრცელდება.

განცხადებაში მესამე პრეზიდენტი კლინიკა „ვივამედში“ „მთავარი არხის“ ერთ-ერთ დამფუძნებელთან, ნიკა გვარამიასთან გუშინდელ შეხვედრაზეც საუბრობს და აღნიშნავს, რომ გვარამიას პატიმრობით დაზარალდა არამხოლოდ ექსპრეზიდენტის სამართლებრივი დაცვა, არამედ ქართული მედიასივრცე, პოლიტიკური და საზოგადოებრივი ცხოვრება.

„ძალიან გამიხარდა გუშინ ნიკა გვარამიას ნახვა. ძალიან კარგ პოლიტიკურ და ინტელექტუალურ ფორმაშია. მშვენივრად ახსნა ოლიგარქის ტყუილი, რომ თურმე სტრასბურგს უთქვამს, რომ მე ჯანმრთელი ვარ და რა თქმა უნდა მსგავსი არაფერი მომხდარა.

საერთოდ მისი პატიმრობით დაზარალდა არა მხოლოდ ჩემი სამართლებრივი დაცვა, არამედ ქართული მედიასივრცე, პოლიტიკური და საზოგადოებრივი ცხოვრება.

იმედია ყველაფერი ანაზღაურდება.

დიდი მადლობა ყველას, ვინც გუშინ "ვივამედთან" მოვიდა. მე მაძლიერებს თქვენი თანადგომა, გვახსოვდეს, რომ ჩვენ მხარს გვიჭერს უმრავლესობა საქართველოში და მთელი საერთაშორისო თანამეგობრობა რუსეთის გამოკლებით“, - ნათქვამია განცხადებაში.