სოზარ სუბარი - საქართველოს ომში ჩართვა მთავარი ამოცანაა და ამ ამოცანისთვის იყენებენ სააკაშვილისაც - ამ ამოცანისთვის მოდის ბრალდებებიც საქართველოს წინააღმდეგ, თითქოს საქართველო გამოიყენება სანქციების გვერდის ავლისთვის

საქართველოს ელჩი იყო ერთ-ერთი გამონაკლისი ელჩთაგანი, რომელსაც ერთი წუთი არ დაუტოვებია უკრაინა, ერთი წუთით არ მოუცლია ფეხი კიევიდან, როდესაც იქ იყო ძალიან სერიოზული საფრთხე, რომ თავდასხმა შეიძლება მომხდარიყო, შეიძლებოდა დაცემულიყო კიევი, - ამის შესახებ „ხალხის ძალის“ ერთ-ერთმა ლიდერმა სოზარ სუბარმა განაცხადა.

როგორც სუბარი აღნიშნავს, როდესაც კიევზე თავდასხმა იყო მოსალოდნელი, ყველა ქვეყნის საელჩომ დატოვა კიევი საქართველოს საელჩოს გარდა და დღეს ასეთი ნაბიჯი ზელენსკის მხრიდან მიერ ელჩის მიმართ გამაოგნებელია.

მისივე თქმით, ასევე გამაოგნებელი იყო საქართველოდან უკრაინის ელჩის გაწვევა, მხოლოდ იმ მიზეზით, რომ საქართველოს ხელისუფლებამ მოხალისეების უკრაინაში ტრანსპორტირებისთვის თვითმფრინავი არ გამოყო.

„ბრალდებები გვესმის უკვე ომის დაწყების პირველი დღიდან, თუმცა ყველაფერი მარტო ბრალდებებით არ შემოიფარგლა, სამწუხაროდ, და გადაიდგა რამდენიმე ძალიან არამეგობრული ნაბიჯი ქართული სახელმწიფოს მიმართ. ბოლო ნაბიჯი იყო საქართველოს ელჩის, პირდაპირ ვიტყვი, გამოძევება უკრაინიდან. ეს ის ელჩია, ის ერთ-ერთი გამონაკლისი ელჩთაგანი, რომელსაც ერთი წუთი არ დაუტოვებია უკრაინა, ერთი წუთით არ მოუცლია ფეხი კიევიდან, როდესაც იქ იყო ძალიან სერიოზული საფრთხე, რომ თავდასხმა შეიძლება მომხდარიყო, შეიძლებოდა დაცემულიყო კიევი. ყველა ქვეყნის საელჩომ დატოვა კიევი, თუმცა საქართველოს საელჩოს არცერთ თანამშრომელს და პირადად ელჩს არ დაუტოვებიათ საელჩო. დღეს ასეთი ნაბიჯი მის მიმართ გამაოგნებელია, ისევე, როგორც გამაოგნებელი იყო თავის დროზე, საქართველოდან უკრაინის ელჩის გაწვევა, მხოლოდ და მხოლოდ იმის გამო, რომ ჩვენ არ მივეცით უფლება საქართველოდან მოხალისეებს, რომ სპეციალური თვითმფრინავივით გაფრენილიყვნენ უკრაინაში. გასაგებია, რომ მოხალისის ჩასვლას, ვისაც ომში წასვლა უნდა, ერთი დღეც კი არ სჭირდებოდა, ნახევარ დღეში ეს იყო შესაძლებელი.

არცერთი ქვეყანა არ აგზავნის მსგავსი თვითმფრინავით მოხალისეებს იმიტომ, რომ ეს ნიშნავს, პრაქტიკულად, ომში ჩართვას. სწორედ ეს იყო იმ ადამიანის სურვილი, ვინც ელჩი გაიწვია თავის დროზე და ელჩს, ზელენსკის გარდა, ვერავინ გაიწვევდა, განცხადებაც პირადად მან გააკეთა.

ახლაც ეს ერთადერთი მიზეზია - საქართველოს ომში ჩართვა მთავარი ამოცანაა და ამ ამოცანისთვის იყენებენ სააკაშვილისაც. ამ ამოცანისთვის მოდის ბრალდებებიც საქართველოს წინააღმდეგ, თითქოს საქართველო გამოიყენება სანქციების გვერდის ავლისთვის, ქართული ავიაკომპანიის და მისი ხელმძღვანელის დასანქცირება იმისთვის, რომ - „რატომ აღდგა რუსეთთან ფრენები“.

თუმცა, თავისუფლად დაფრინავენ თვითმფრინავები ჩვენს მეზობელ სომხეთში, აზერბაიჯანში, თურქეთში, აღარ ვლაპარაკობ უფრო შერეულ ქვეყნებზე, როგორიც არის ჩინეთი, ინდოეთი თუ სხვა. არავის მოსვლია აზრად, დაესანქცირებინა რომელიმე ავიაკომპანია, ან რომელიმე ავიაკომპანიის ხელმძღვანელი, მაინც და მაინც საქართველოზე ატეხეს მსგავსი გნიასი. ეს არის ჩვეულებრივი მტრული ნაბიჯები, საქართველოს მიმართ გადადგმული. ამ შემთხვევაში, მიუხედავად იმისა, რომ საქართველოს ხელისუფლების წარმომადგენლები ხშირად ამბობენ, რომ ჩვენ ვაგრძელებთ ცალმხრივ მეგობრობას - ცალმხრივი და უიმედო სიყვარული გამიგია და მეგობრობა არ არსებობს ცალმხრივი. შესაბამისად, ჩვენ ყველაფერს თავისი სახელი უნდა დავარქვათ“, - განაცხადა სოზარ სუბარმა „ქრონიკის“ ეთერში.

სოზარ სუბარის განცხადებას „ხალხი ძალა“ ავრცელებს.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო