“ხალხისთვის” - როდესაც სახეზე დგება შედეგი, რაც დავინახეთ დღეს, ეს ყველა შემთხვევაში ხელისუფლების ჩავარდნაა
ძალადობა ნებისმიერ შემთხვევაში არის დანაშაული!, - ამის შესახებ ნათქვამია „ხალხისთვის“ განცხადებაში, რითაც Tbilisi prides-ის ფესტივალის გარშემო განვითარებულ მოვლენებს ეხმაურება.
პარტიის განცხადებით, ფაქტია, სამართალდამცავმა უწყებებმა ვერ უზრუნველყვეს და პროცესის მართვა.
„ჩვენ გვსურს ვიცხოვროთ ისეთ სახელმწიფოში, სადაც ყველა ადამიანის უფლება იქნება დაცული. ის, რაც დღეს მოხდა არის კონსტიტუციით გარანტირებული უფლებების დარღვევა. ,,ქართული ოცნების” პასუხისმგებლობაა, რომელმაც ვერ შეძლო ამ რადიკალურად განწყობილი ჯგუფების შეკავება.
ფაქტია, სამართალდამცავმა უწყებებმა ვერ უზრუნველყვეს სწორი, თანაზომიერი და თანმიმდევრული პროცესის მართვა, რომ თავიდან აეცილებინათ რადიკალური ჯგუფების ტერიტორიაზე შეჭრა.
ხელისუფლების ამოცანაა ნებისმიერი მწვავე, აზრთა სხვადასხვაობა პოლიტიკურ ჯგუფებს შორის გადაიჭრას კონსენსუსის და მოლაპარაკებების მეშვეობით. როდესაც სახეზე დგება ის შედეგი, რაც დავინახეთ დღეს, ეს ყველა შემთხვევაში ხელისუფლების ჩავარდნაა”, - ნათქვამია განცხადებაში.
