ანსამბლ „რუსთავის" მომღერლები საგასტროლო ტურნედან დაბრუნდნენ. ამის შესახბე ინფორმაციას საქართველოს ხალხური სიმღერისა და ცეკვის სახელმწიფო აკადემიური ანსამბლი "რუსთავი" აქვეყნებს.

მათივე ცნობით, საკონცერტო დარბაზებში ქართული პოლიფონიის და სიმღერების მოსასმენად უამრავი მაყურებელი შეიკრიბა.

ანსამბლის სამხატვრო ხელმძღვანელის, გიორგი ნატროშვილის ინფორმაციით, პროგრამის პირველი ნაწილი ანსამბლ „რუსთავს" დაეთმო, რომლის დროსაც მომღერლებმა ტრადიციული რეპერტუარი შეასრულეს, ხოლო, მეორე განყოფილებაში "რუსთავის" მომღერლებმა რამდენიმე სიმღერა ნინო ქათამაძესთან ერთად შეასრულეს.

ინფორმაციაში აღნიშნულია, რომ პირველი კონცერტი 1 -ელ ივლისს ლატვიაში, იურმალას „ძინტერის“ საკონცერტო დარბაზში გაიმართა, ხოლო, მეორე კონცერტი ესტონეთში, ტალინის „ალექსელა ჰოლში“ ჩატარდა.