ნინო ლაცაბიძე - რუსთავში მნიშვნელოვანი სატრანსპორტო რეფორმა მიმდინარეობს

რუსთავის მერია, ქალაქის ახალი განვითარების გეგმის ფარგლებში, მუნიციპალური ავტოტრანსპორტის სფეროს რეფორმას განაგრძობს. ­

რუსთავის მერი ნინო ლაცაბიძე, მუნიციპალური ავტოტრანსპორტის თანამშრომლებს შეხვდა და მათ რუსთავის ახალი განვითარების გეგმა, სატრანსპორტო სფეროში განხორციელებული რეფორმის შედეგები და სამომავლო გეგმები გააცნო. ამის შესახებ ინფორმაციას რუსთავის მერია ავრცელებს.

მათი ცნობით, სამუშაო შეხვედრას რუსთავის მერის მოადგილე ბესიკ ტოგონიძე და მუნიციპალური ავტოტრანსპორტის საწარმოს ხელმძღვანელი ჯურხა ბენდელიანი ესწრებოდნენ.

მერის თქმით, რეფორმა ქალაქში საზოგადოებრივი ტრანსპორტის ფუნქციონირებას გააუმჯობესებს.

„რუსთავში მნიშვნელოვანი სატრანსპორტო რეფორმა მიმდინარეობს, რომლის შედეგად გაუმჯობესდა როგორც შიდასაქალაქო მიმოსვლა, ასევე ვმუშაობთ რუსთავი-თბილისის მიმართულებაზე. მუნიციპალური ავტოტრანსპორტის თანამშრომლებთან ერთად, დღეს განვიხილეთ ყველა ის სიახლე, რომელიც სამომავლოდ გვაქვს დაგეგმილი, მათ შორის ვისაუბრეთ სახელფასო პოლიტიკაზეც, იქ დასაქმებულების ხელფასები ჩვენ მიმდინარე წელს ორჯერ გავზარდეთ. რეფორმა გრძელდება, რაც საზოგადოებრივი ტრანსპორტის ფუნქციონირებას ქალაქში კიდევ უფრო გააუმჯობესებს“, - განაცხადა რუსთავის მერმა ნინო ლაცაბიძემ.

როგორც რუსთავის მერიის ინფორმაციაშია აღნიშნული, მუნიციპალური ავტოტრანსპორტის საწარმოში 100 მძღოლი და 49 კონტროლიორია დასაქმებული.

„მუნიციპალური ავტოტრანსპორტის საწარმოში 100 მძღოლი და 49 კონტროლიორია დასაქმებული. 2023 წლის იანვრიდან, დღემდე, მათი სახელფასო ანაზღაურება უკვე მეორედ გაიზარდა. სრულად მოხდა ავტოპარკის განახლება 40 ახალი ევროსტანდარტის ავტობუსებით, უახლოეს პერიოდში კი 20 ახალი ავტობუსი შეემატება. ქალაქში მოეწყო ახალი გაჩერებები, თანამშრომლებისთვის შეძენილი იქნა ახალი სეზონური ეკიპირება“, - ნათქვამია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება