დიდი ბრიტანეთის მთავრობის განცხადებით, დღეს G7-ის ქვეყნები უკრაინის უსაფრთხოების ზომებისთვის საერთაშორისო ჩარჩოების შესახებ ოფიციალურ დოკუმენტს წარადგენენ
დიდი ბრიტანეთის მთავრობის განცხადებით, დღეს G7-ის ქვეყნები უკრაინის უსაფრთხოების ზომებისთვის საერთაშორისო ჩარჩოების შესახებ ოფიციალურ დოკუმენტს წარადგენენ.
Reuters-ის ცნობით, ერთობლივ დეკლარაციაში აღნიშნული იქნება უახლოეს წლებში უკრაინის მხარდაჭერის მექანიზმები, რომლებიც ომის დასრულებაზე და ნებისმიერი მომავალი თავდასხმის შეკავებაზე და რეაგირებაზე იქნება მიმართული.
დიდი ბრიტანეთის პრემიერ-მინისტრის, რიში სუნაკის თქმით, იმის გათვალისწინებით, რომ უკრაინის კონტრშეტევაში სტრატეგიული პროგრესი აღენიშნება, G7-ი გრძელვადიან პერსპექტივაში უკრაინის დაცვას გააძლიერებს.
„რადგან თავის კონტრშეტევაში უკრაინა სტრატეგიულ პროგრეს აღწევს, ხოლო რუსეთის ძალები ფრონტის ხაზზე დეგრადირებას განიცდიან, ჩვენ გრძელვადიან პერსპექტივაში გავაძლიერებთ უკრაინის დაცვასთან დაკავშირებულ ოფიციალურ შეთანხმებებს“, - განაცხადა რიში სუნაკმა.
v-if="article.gallery" v-html="article.gallery"
